O‘zbekiston hunarmandlarining eksport faoliyati rag‘batlantiriladi

© Sputnik / /StringerVistavka remeslennikov v ramkax festivalya "Mir glazami studenta"
Vistavka remeslennikov v ramkax festivalya Mir glazami studenta - Sputnik O‘zbekiston
Obuna bo‘lish
Qo‘li gul ustalarga o‘z mahsulotlarini bozor va supermarketlarda sotishi uchun keng imkoniyat yaratish, agar ular xohlasa o‘z xonadonida do‘kon ochishi mumkinligi ta’kidlandi

TOShKENT, 6 noya — Sputnik. Bundan buyog‘iga O‘zbekistonda hunarmandlarning eksport faoliyati rag‘batlantiriladi. Ularga o‘z mahsulotlarini eksport qilishdan tushgan xorijiy valyutani erkin tasarruf etish, jumladan, bank hisobraqamlaridan xorijiy valyutani naqd holda olish huquqi beriladi. Bu haqda O‘zbekiston prezidenti Shavkat Mirziyoyev raisligida o‘tkazilgan hunarmandchilikni yanada rivojlantirish, hunarmandlarni har tomonlama qo‘llab-quvvatlash, aholi bandligini oshirish masalalariga bag‘ishlangan yig‘ilishda ta’kidlandi.

Fond imeni Islama Karimova sovmestno s Postoyannim Predstavitelstvom Uzbekistana pri YuNESKO vipustil knigu Renessans uzbekskogo shelka, posvashennuyu mnogovekovoy shkole tkachestva po texnologii ikat - Sputnik O‘zbekiston
Islom Karimov Fondi o‘zbek hunarmandligiga bag‘ishlangan kitobni nashr etdi
Yig‘ilishda xalq hunarmandligi va amaliy san’atini rivojlantirish, ular tomonidan mahsulotlar ishlab chiqarishni kengaytirish, shu asosda yangi ish o‘rinlari yaratish masalalari muhokama qilindi.

Shuningdek, hunarmandlar markazlari faoliyatini kengaytirish, ular ishlab chiqargan mahsulotlarni xaridorlarga yetkazishni osonlashtirish bo‘yicha ko‘rsatmalar berildi. Xususan, qo‘li gul ustalarning o‘z mahsulotlarini bozor va supermarketlarda sotishi uchun keng imkoniyat yaratish zarurligi, xohlasa o‘z xonadonida do‘kon ochishi mumkinligi ta’kidlandi. Doimiy savdo joyiga ega bo‘lmagan, vaqtinchalik joylarda savdo qilayotgan hunarmandlarga savdo qilish qoidalari asosida talab etiladigan kassa apparati va savdo terminalidan foydalanish hamda tijorat banklariga savdodan tushgan naqd pulni inkassatsiya qilish talablari ixtiyoriy etib belgilanadi.

Yig‘ilishda berilgan topshiriqlarga muvofiq, har bir viloyatda maxsus ko‘rgazma va yarmarkalar tashkil etilib, ularda hunarmandlar bepul ishtirok etadi. Shuningdek, ularning xorijiy davlatlarda o‘tkaziladigan ko‘rgazma, festival va yarmarkalarda qatnashishiga ko‘maklashiladi.

Yangiliklar lentasi
0