12:32 20 Fevral 2018
Efir
Reyting stran

Oʻzbekiston iqtisodiy erkinlik reytingida 152-oʻrinda joylashdi

© Sputnik/ Ilya Pitalev
Iqtisod
Havola olish
101802

Oʻtgan yilgi reytingda Oʻzbekiston 166-oʻrinda joylashgandi

TOSHKENT, 3 fev – Sputnik. AQShning The Heritage Foundation tadqiqot markazi erkin iqtisodiyotga ega davlatlar reytingini eʼlon qildi. Unda Oʻzbekiston 51,5 ball bilan 152-oʻrindan joy oldi.

Oʻtgan yilgi reytingda Oʻzbekiston 166-oʻrinda (46 ball) joylashgandi.

Sobiq ittifoq davlatlari reytingda quyidagi oʻrinlarda joylashdi: Estoniya (7), Gruziya (16), Litva (19), Latviya (28), Qozogʻiston (41), Armaniston 44), Ozarbayjon (67), Qirgʻiziston (78), Moldova (105), Tojikiston (106), Rossiya (107), Ukraina (150), Turkmaniston (169).

Reytingning birinchi pogʻonasidan qatorasiga 24-marta Gonkong joy oldi.

Iqtisodiy erkinlik indeksi 1995 yildan buyon Wall Street Journal va Heritage Foundation tadqiqot markazi tomonidan eʼlon qilib kelinadi. Heritage Foundation ekspertlari iqtisodiy erkinlikni "hukumatning tovar va xizmatlarni ishlab chiqarish, tarqatish hamda isteʼmol qilish ishlariga aralashmasligi yoki toʻsqinlik qilmasligi, fuqarolar muhofazasi va erkinligini taʼminlash bundan mustasno" deya taʼriflashadi.

Iqtisodiy erkinlik indeksi koʻrsatkichlari biznes, soliq, savdo, pul, investitsiya, moliya, mehnat munosabatlari erkinligi, mulk huquqining himoyalanganligi va hukumat aralashuvidan hamda korruptsiyadan xoli boʻlish mezonlaridan kelib chiqib belgilanadi.

Ushbu indeks boʻyicha mamlakatlar quyidagi guruhlarga boʻlinadi: erkin —80−100 ball, asosan erkin —70−79,9 ball, oʻrtacha erkin —60−69,9 ball, asosan erkin boʻlmagan —50−59,9 ball va bosim ostidagi iqtisodiyot —0−49,9 ball.

Asosiy mavzular