14:58 26 May 2018
Efir
  • EUR9396.79
  • RUB128.37
  • USD7997.95
Koltsepryadilnaya mashina nemetskoy firmы Saurer Schlafhorst

Toshkentda Koreya ishtirokida yangi toʻqimachilik texnoparki ishga tushadi

© Saurer Schlafhorst
Iqtisod
Havola olish
185 0 0

Texnoparkning asosiy vazifasi – Oʻzbekiston yengil sanoati korxonalarida Koreyaning eng soʻnggi innovatsiyalarini joriy etishdan iborat boʻladi.

TOSHKENT, 13 fev — Sputnik. Oʻzbekiston va Janubiy Koreya ushbu yilning sentyabr oyida Toshkentda zamonaviy toʻqimachilik texnoparki ishga tushirishni rejalashtirgan, deb xabar qilmoqda Sputnik muxbiri.

Bu haqida seshanba kuni boʻlib oʻtayotgan Oʻzbekiston-Koreya iqtisodiy hamkorlik muzokaralarida  Davlat investitsiyalar qoʻmitasi raisi Azim Axmadxoʻjayev xabar qildi.

Yangi texnopark Toshkent toʻqimachilik va yengil sanoat instituti hududida joylashgan boʻladi. Loyiha qiymati 15 million dollar boʻlib, u Janubiy Koreya hukumati tomonidan ajratilgan grant mablagʻlar evaziga moliyalashtiriladi. Ushbu mablagʻ asbob-uskuna sotib olish va ishchilarni oʻqitishga sarflanadi.

Texnoparkning asosiy vazifasi – Oʻzbekiston yengil sanoati korxonalarida Koreyaning eng soʻnggi innovatsiyalarini joriy etishdan iborat boʻladi. Undan tashqari texnoparkda materiallarni oʻrganish, boʻyash, kiyim-kechak dizayni va muqobil energiya manbaalarini oʻrganish joyriy etiladi.

Texnopark tarkibida umumiy maydoni 10 ming kvadrat metr boʻlgan, quyosh batareyalari bilan jihozlangan uch va besh qavatli maʼmuriy binolar quriladi.  Undan  tashqari hududning 4 ming kvadrat metri oʻquv sinflari, koʻrgazma zallari, laboratoriya va ofislar qurilishi uchun ajratiladi.

Texnopark laboratioriyasi toʻqimachilik, boʻyoqchilik va tikuvchilik sohasidagi eng zamonaviy uskunalar namunalari bilan jihozlangan boʻladi.

Asosiy mavzular