19:57 16 Oktyabr 2019
Efir
  • RUB147.25
  • EUR10438.58
  • USD9455.24
Proyekt delovogo tsentra Tashkent City

Xorijiy kompaniyalar “Tashkent City”ga 1,3 milliard dollar sarmoya kiritishga tayyor

© Ofitsialnaya stranitsa proyekta Tashkent City v Facebook
Iqtisod
Havola olish
383 0 0

Loyiha ikki bosqichga boʻlingan boʻlib, birinchi bosqichni 2,5 yildan soʻng yakunlash rejalashtirilgan.

TOSHKENT, 5 iyun — Sputnik. Oʻzbekiston poytaxtida Tashkent City xalqaro biznes markazi obʼyektlarini qurilishiga 9 ta xalqaro kompaniya 1,3 milliard dollarlik sarmoya kiritishga tayyor ekanligini bildirishdi, deb xabar qildi RIA Novosti mahalliy OAVlarga asoslangan holda.

Prezident Shavkat Mirziyoyev 1 iyun kuni Tashkent City biznes markaz qurilishi bilan tanishdi.

“Bugungi kunda 7 ta lot boʻyicha qurilish ishlari jadal suratlarda olib borilmoqda. Ular hududlarida 9 ta xalqaro investorlarning 1 milliard 325,6 million dollar sarmoya kiritishni nazarda tutgan loyihalarni amalga oshirish tasdiqlangan”, — deyilgan xabarda.

Investorlar tarkibida Corso Solutions LP (Britaniya), Hyper partners GmbH (Germaniya), Bomi Engineering and Construction (Janubiy Koreya). Hozirgi vaqtda bir qator xorijiy kompaniyalar bilan istiqbolli loyihalar boʻyicha ish olib borilmoqda.

2016 yil yakunida Oʻzbekiston hukumati Toshkentni rivojlantirish boʻyicha 5 yillik dasturni tasdiqlagandi. Unga asosan 1 milliard dollar miqdorida boʻlgan Tashkent City xalqaro biznes markazni qurilishi boshlangandi.

Tashkent City xalqaro biznes markazi poytaxtning Alisher Navoiy, Olmazor, Islom Karimov va Furqat koʻchalari oraligʻidagi 80 gektar hududda barpo etiladi. Loyihaga muvofiq Tashkent Cityda biznes markazlar, savdo majmualari, mehmonxonalar, ofislar, kongress-xol, koʻrgazma zallari, koʻp qavatli zamonaviy uylar, restoranlar, sunʼiy koʻl, favvoralar, ijtimoiy va boshqa obʼyektlar quriladi.

Qurilishni 2022 yilda yakunlash rejalashtirilgan. Biznes markazni moliyalashtirish va qurilish xorijiy mablagʻlar va kompaniyalarni jalb qilgan holda amalga oshiriladi.

2017 yil avgust oyida Oʻzbekiston bosh vaziri Abdulla Aripov Tashkent City qurilishi va boshqaruvi boʻyicha maʼmuriy kengash rahbari etib tayinlandi. Loyiha maslahatchisi — Germaniyaning Drees & Sommer kompaniyasi hisoblanadi.

Asosiy mavzular