12:47 17 Oktyabr 2018
Efir
  • RUB123.85
  • EUR9490.14
  • USD8208.04
Minsk. Ploщad Nezavisimosti.

Belarus bosh vaziri Oʻzbekistonga oʻzaro savdoni koʻpaytirishni taklif qildi

© Flickr / Dennis Jarvis
Iqtisod
Havola olish
84 0 0

Minsk paxta tolasi, yangi va qayta ishlangan meva va sabzavotlarni toʻgʻridan-toʻgʻri yetkazish boʻyicha Toshkent taklifini koʻrib chiqishga tayyor ekanligini maʼlum qildi.

TOSHKENT, 13 iyun — Sputnik. Belarus bosh vazir Andrey Kobyakov Oʻzbekiston parlament delegatsiyasiga oʻzaro savdoni koʻpaytirishni taklif qildi.

Oʻzbekiston parlament delegatsiyasi Belarusga tashrif buyurdi. Tashrif doirasida Belarus bosh vaziri Kobyakov va Oʻzbekiston senat spikeri Nigʻmatillo Yoʻldoshev bilan uchrashuv boʻlib oʻtdi.

Uchrashuv chogʻida bosh vazir ikki davlat oʻrtasida tashqi savdo hajmi oʻsib borayotganini taʼkidladi.

"Biroq Belarus va Oʻzbekiston uchun 130 million dollarlik oʻzaro savdo — bu juda kichik raqamlar. Iqtisodiyotimiz salohiyati bulardan ortiq, biz yaqin vaqtlarda oʻzaro savdoni koʻpaytirishimiz zarur", — deb Kobyakov soʻzlarini keltiradi Belarus hukumati matbuot xizmati.

Belarus bosh vaziri soʻzlariga koʻra, Minsk Oʻzbekistonga sut mahsulotlari, mol va tovuq goʻshtini yetkazib berishni taklif qilishi mumkin.
Minsk oʻz navbatida paxta tolasi, yangi va qayta ishlangan meva va sabzavotlarni toʻgʻridan-toʻgʻri yetkazish boʻyicha Toshkent taklifini koʻrib chiqishga tayyor ekanligini maʼlum qildi.

Bosh vazir 2019-2020 yillarda hamkorlik qilish "yoʻl xaritasi"ni tayyorlashni taklif qildi. Kobyakov mamlakatlar axborot texnologiyalar, taʼlim va madaniyat sohasida salohiyatga ega ekanligini eʼtirof etdi. Shu bilan birga, Belarus Oʻzbekistonda agrar majmualarini yaratishda ishtirok etishda tayyor ekanligini maʼlum qildi.

Asosiy mavzular