12:20 17 Oktyabr 2018
Efir
  • RUB123.85
  • EUR9490.14
  • USD8208.04

Oʻzbekistonda poliz mahsulotlari nega arzonlamayapti - senator javobi

© Sputnik / Sergey Mamontov
Iqtisod
Havola olish
151021

Hozirgi paytda tarvuzning bir kilogrammi oʻrtacha 800-1800 soʻm, qovunniki esa 1800-3200 soʻm atrofida. Yaʼni, oʻrtacha kattalikdagi tarvuzni 10 ming soʻmdan kamiga ololmaysiz

TOSHKENT, 9 avg - Sputnik. Bu yil suv tanqisligi, ayniqsa, sabzavot narxlariga taʼsir qildi, dedi jurnalistlarning "Sabzavotlar, poliz mahsulotlari narxi nega arzonlamayapti?", degan savoliga javoban Oʻzbekiston Oliy Majlisi Senati Agrar, suv xoʻjaligi masalalari va ekologiya qoʻmitasi raisi oʻrinbosari Bahodir Tajiyev. Sputnik Oʻzbekiston muxbiri xabari asosida.

"Bu yil suv tanqisligi ayniqsa, sabzavot mahsulotlariga taʼsir qildi. Xohlaymizmi-xohlamaymizmi, qishloq xoʻjaligi mahsulotini yetishtirish avvalombor tabiatga bogʻliq. Buni toʻgʻri qabul qilishimiz kerak. Hatto paxtachiligimiz, bugʻdoy yetishtirishimizga ham taʼsir qildi suv tanqisligi", - deb taʼkidladi senator.

Senatorlarning taʼkidiga koʻra, bu yil Oʻzbekiston regionlarida suv haqiqatda tanqis boʻldi. Oʻzbekistonga kelayotgan suvning 80%i qoʻshni mamlakatlardan xususan, Tojikiston va Qirgʻizistondan keladi, 20 foizigina respublikaning oʻzida shakllanadi.

Shu suv tanqisligi sababli ayni pishiqchilik mavsumi boʻlishiga qaramay, poliz mahsulotlarining bahosi arzonlashmayapti. Qolaversa, bu holatni Markaziy bank tomonidan iyul oyida ayrim isteʼmol tovarlari va xizmatlar narxi yuzasidan oʻtkazilgan monitoring natijalari ham tasdiqlaydi. Unda keltirilishicha, oʻtgan yillardagiga qiyoslanganda tarvuz va qovun narxlari yuqoriligicha qolmoqda.

Hozirgi paytda tarvuzning bir kilogrammi oʻrtacha 800-1800 soʻm, qovunniki esa 1800-3200 soʻm atrofida. Yaʼni, oʻrtacha kattalikdagi tarvuzni 10 ming soʻmdan kamiga ololmaysiz.

Eslatib oʻtamiz, shu kunlarda Oliy Majlis Senatlari qoʻmitalarining joriy yil birinchi yilligidagi faoliyati yakunlari va yaqin istiqboldagi ustuvorliklarga bagʻishlangan matbuot-anjumanlari boʻlib oʻtmoqda. Xususan, Agrar, suv xoʻjaligi masalalari va ekologiya qoʻmitasi ham avgust oyining birinchi haftasida oʻz faoliyatini sarhisob qildi.

Asosiy mavzular