13:29 25 Yanvar 2020
Efir
  • RUB155.06
  • EUR10585.77
  • USD9547.05
Iqtisod
Havola olish
215310

Endilikda pensionerning ishlayotganligi yoki ishlamayoganligidan qatʼiy nazar pensiyasi toʻliq toʻlab beriladi

TOSHKENT, 15 dek - Sputnik. Prezident farmoni bilan oʻzgartirishlar kiritilgan pensiya toʻgʻrisidagi qonun nafaqaga chiqayotgan shaxslarga koʻproq pensiya olish imkonini yaratdi.

Farmonga koʻra 2019 yil 1 yanvardan boshlab barcha ishlovchi pensionerlarga pensiyalar toʻliq miqdorda toʻlanadi.

Amaldagi qonunchilikka muvofiq agar pensiyaga chiqqan shaxs ishlashda davom etadigan boʻlsa, unga pensiyaning yarmi toʻlanar edi. Endilikda pensionerning ishlayotganligi yoki ishlamayoganligidan qatʼiy nazar pensiyasi toʻliq toʻlab beriladi.

Maʼlumki, qonunchilikka muvofiq shaxsga tayinlanadigan pensiya miqdori maxsus hisob-kitob natijasida belgilanadi. Bunda ish staji va ish haqi baland boʻlgan shaxslarga tayinlangan pensiyaning katta summada chiqishi taʼminlanadi.

Lekin ishlagan davrida olingan oylik har qancha katta boʻlmasin, pensiyani hisob kitob qilishda ishlatiladigan summaning maksimal qiymati belgilab qoʻyilgan.

Xususan, Farmon qabul qilingunga qadar ushbu summa eng kam ish haqining 8 baravarini tashkil qilgan. Masalan, shaxs ishlagan paytida aytaylik 2 mln soʻm oylik olgan boʻlsa ham pensiyani hisob-kitob qilishda uning oyligi 1 mln 621 ming soʻm (hozirgi eng kam ish haqi 202 730*8) boʻlgan deb qabul qilinardi, yaʼni belgilangan shu summadan oshmasdi.

Endilikda, pensiyani hisob-kitob qilish uchun ish haqining maksimal miqdori eng kam oylik ish haqining sakkiz barobaridan oʻn barobarigacha (hozirda 2 mln 27 ming 300 soʻm) oshiriladi.

Bu esa oʻz oʻzidan pensiyaga chiqayotgan shaxslarga yanada koʻproq pensiya tayinlash imkonini beradi, deb xabar bergan "Huquqiy axborot" kanali.

Asosiy mavzular