17:39 28 Sentyabr 2020
Efir
  • RUB136.28
  • EUR12210.60
  • USD10315.62
Iqtisod
Havola olish
303 0 0

Uzcard bank kartalari egalarini internetda paydo boʻlgan uzcard.uz saytining qalbaki nusxalari haqida ogohlantirdi.

TOSHKENT, 22 yanv – Sputnik. Uzcard bank kartalari egalarini Oʻzbkistonda ilk bor paydo boʻlgan kiber-jinoyat haqida ogohlantirdi.

“Nomaʼlum shaxslar tomonidan uzcard.uz rasmiy saytimizning interfeysi nusxalanib, Uzcard toʻlov tizimi nomidan WEBSUM bilan hamkorlikda aktsiya takshkil etilgani roʻyxatga olingan”, - deyilgan xabarda.

Jinoyatchilar soxta sayt orqali bank karatalari egalariga mavjud boʻlmagan aktsiyalarni vaʼda qilib, ularning kartalari haqidagi maʼlumotlarni oʻgʻirlash bilan shugʻullangan.

“Rasmiy ravishda eʼlon qilamizki, ushbu aktsiya Uzcard banklararo toʻlov tizimi tomonidan tashkillashtirilmagan.  Hozirda kompaniyamiz tomonidan ushbu qalloblik hodisasi yuzasidan tergov ishlari boshlangan”, - deyilgan xabarda.

Ogoh boʻling!  Tekshirilmagan nomaʼlum internet vositalarga oʻz mablagʻlaringizni ishonib topshirmang. Domenlarning nomlanishiga alohida eʼtiboringizni qarating! Bizning rasmiy domenimiz uzcard.uz.

Domen nomida biron bir harfning oʻzgartirilgani uning haqiqiy emasligidan dalolat beradi. Masalan uzcard.org, uzcard.com, uzcard.info – mutlaq boshqa sahifalardir.  

Muhim xabar, eng soʻnggi yangilik va aktsiyalarga tegishli tavsilotlarni faqat uzcard.uz rasmiy saytimiz hamda ijtimoiy tarmoqlar orqali kuzatib borishingiz mumkin.

Asosiy mavzular