21:51 16 Iyun 2019
Efir
  • RUB131.33
  • EUR9652.52
  • USD8518.68
Kak delayut avtomobili GM Uzbekistan

GM Uzbekistan mashina xaridini osonlashtiruvchi yangi xizmatni ishga tushirdi

© Novosti Uzbekistana
Iqtisod
Havola olish
745 0 0

GM Uzbekistan kompaniyasining Nurafshon shahrida joylashgan “Nurafshon Avtocentr” avtosaloni xaridorlarga avtomobil xarid qilishlari uchun qulaylik yaratdi.

TOSHKENT, 5 mar – Sputnik. GM Uzbekistan kompaniyasining Nurafshon shahrida joylashgan “Nurafshon Avtocentr” avtosaloni xaridorlarga avtomobil xaridi jarayonida qulaylik yaratish maqsadida Kupicar.uz yangi savdo platformasini ishga tushirdi, deb xabar qilmoqda kompaniya matbuot xizmati.

Xabarda keltirilishicha, Kupicar.uz bilan avtomobil xarid qilish yanada oson boʻldi. Buning uchun xaridor mazkur sayt orqali oʻzi istagan avtomobilning pozitsiya va rangini tanlaydi va saytda buyurtma qoldiradi. Mazkur buyurtma asosida avtosalon vakili xaridor bilan bogʻlanib, avtomobil boʻyicha shartnomani xaridor koʻrsatgan manzilga yetkazib berilishini taʼminlaydi. Toʻlov amalga oshirilgach, avtomobil xaridorning buyurtmasi asosida shartnomada koʻrsatilgan muddatlarda ishlab chiqariladi hamda avtosalonga yetkaziladi.

Dastlabki bosqichda Kupicar.uz orqali faqat Toshkent shahri aholisi avtomobil xarid qilishi mumkin, keyinchalik esa mazkur xizmat respublikaning boshqa hududlarida ham joriy etilishi koʻzda tutilgan.

Bundan tashqari mazkur platforma orqali xaridor oʻzi xarid qilish istagida boʻlgan avtomobilni test-drayvdan oʻtkazish imkoniga ham ega boʻladi, bu esa xaridorga boʻlgʻusi avtomobili haqida yanada koʻproq taassurot olish imkonini beradi.

Oʻzbekistonga oʻz “xalq avtomobili” kerak

Eslatib oʻtamiz, avvalroq GM Uzbekistan Tracker va Malibu avtomobillariga foizsiz toʻlov muddatini 2 yilga uzaytirgani haqida xabar qilgan edik.

Asosiy mavzular