“O‘zbekneftgaz” “Lukoyl”ga 600 mln dollarlik qarzini qanday to‘laydi?

© Sputnik / Ramil Sitdikov / Mediabankka o‘tishPeterburgskiy mejdunarodniy ekonomicheskiy forum. Den tretiy
Peterburgskiy mejdunarodniy ekonomicheskiy forum. Den tretiy - Sputnik O‘zbekiston
Obuna bo‘lish
“O‘zbekneftgaz” rahbari Bahodir Siddiqov “Lukoyl” oldidagi 600 mln dollar miqdordagi qarzdorlik holatiga izoh berdi

TOShKENT, 28-iyun — Sputnik. “O‘zbekneftgaz” rahbari Bahodir Siddiqov jurnalistning Rossiyaning “Lukoyl” kompaniyasi oldidagi qarzdorlik holati  haqidagi savoliga javob berdi, deb xabar qilmoqda Sputnik O‘zbekiston muxbiri.

Prezident kompanii Lukoyil Vagit Alekperov - Sputnik O‘zbekiston
“Lukoyl” O‘zbekistonga yana 2 milliard $ sarmoya kiritadi

O‘tgan hafta prezident Shavkat Mirziyoyev Senatda so‘zlagan nutqida “Lukoyl” kompaniyasidan 600 mln dollar miqdoridagi qarzdorlik haqida gapirgandi. Ko‘pchilikni mahsulotni bo‘lib olish to‘g‘risidagi bitim shartlari o‘ylantirgandi va ularning fikriga ko‘ra, bitim mamlakatning milliy manfaatlari zid keladi.

Siddiqov javobining boshida “Lukoyl” bugungi kunda O‘zbekiston Respublikasidagi eng yirik investor hisoblanishi, “Lukoyl” investitsiyalari hajmi 7 milliard dollardan oshishi, bular o‘z navbatida gaz-kimyo majmuasi qurilishi uchun uglevodorod xom ashyosini qazib olish loyihasi doirasida sarflanganini eslatib o‘tdi.

“Lukoyl” oldidagi qarz bir yil ichida paydo bo‘lmaganini ta’kidlamoqchiman. Biz keyingi yillarda "Lukoyl"ga sotilgan tabiiy gazdan ichki iste’molchilar uchun sotib olamiz. Bu tabiiy gaz iste’moli aholi tomonidan ham, mamlakatimiz rivoji uchun bugungi kunda tashkil etilayotgan yangi korxonalar tomonidan ham tabiiy gaz iste’moli oshishi bilan bog‘liq”, - deya iqtibos keltiradi Siddiqov so‘zlaridan Sputnik muxbiri.

Uning ma’lum qilishicha, bugungi kunda gap imzolangan bitim mamlakat manfaatlariga mos kelish-kelmasligi haqida bormayapti. Vujudga kelgan qarz “Lukoyl” bilan mahsulotni bo‘lib olish to‘g‘risidagi bitim doirasida kompaniya operatori bilan loyiha bo‘yicha uch oylik tabiiy gaz qazib olish hajmini tashkil etadi.

Hozirda mazkur qarzni to‘lash bo‘yicha aniq chora-tadbirlarga o‘tkazilmoqda. Xususan, “Lukoyl” kompaniyasi bilan qarzdorlikning ushbu qismini restrukturizatsiya qilish va uni kelgusi davrlarda to‘lash bo‘yicha kelishuv mavjud.

Prezident Respubliki Uzbekistan prinyal glavu rossiyskoy kompanii LUKOYL - Sputnik O‘zbekiston
Shavkat Mirziyoyev Rossiyaning “LUKOYL” kompaniyasi rahbarini qabul qildi

“Bundan tashqari, mahsulotni bo‘lib olish to‘g‘risidagi bitim doirasida qazib olinayotgan gaz eksportga yo‘naltirilishiga ko‘proq e’tibor qaratishimiz lozim. Prezidentimiz oldimizga shunday vazifani qo‘ygan va biz buni to‘la-to‘kis anglab turibmiz. Bugungi kunda “O‘zbekneftegaz”ning barcha sa’y-harakati o‘z qazib olish hajmini oshirishga, kelgusida bu gaz ichki iste’molchilarga sotilishiga yo‘l qo‘ymaslikka qaratilgan”, - dedi “O‘zbekneftgaz” rahbari.

Chunki sotib olish va sotish narxi orasida farq bor va mahsulotni bo‘lib olish to‘g‘risidagi bitim doirasida barcha qazib olingan gaz eksport qilinishi shartiga amal qilinsa, bu O‘zbekiston uchun ham daromadli loyihadir hamda “Lukoyl”ning daromadlar bo‘yicha talabiga ham mos keladi.

U savolga javob berayotib, bitim doirasida davlatning daromadi uch yarim milliard dollardan oshiqroqni tashkil qilgani va davlat o‘z ulushini olganini qo‘shimcha qildi.

Yangiliklar lentasi
0