05:24 21 Avgust 2019
Efir
  • RUB138.47
  • EUR10092.14
  • USD9061.00
Rabochiy demonstriruyet produktsiyu zavoda

Namangan viloyatida tsement zavod qurilishi boshlandi

© Sputnik / Vitaliy Ankov
Iqtisod
Havola olish
24810

Yangi zavodda yiliga 1,5 million tonna tsement ishlab chiqarish rejalashtirilgan.

TOSHKENT, 22 iyul – Sputnik. Namangan viloyatida yirik tsement zavod qurilishi boshlandi.

Sputnik Oʻzbekiston muxbiri xabar qilishicha, Namangan viloyatining Yangiqoʻrgʻon tumanida Oʻzbekiston-Xitoy “Namangan Jinmingyang building materials” zavodi qurilishi boshlanishiga bagʻishlangan tantanali tadbir oʻtkazildi.

Zavod loyihasi 105 million dollarni tashkil qiladi. Bu zavod keyingi yilning toʻrtinchi choragida ishga tushirish rejalashtirilgan.

Yangi zavodda yiliga 1,5 million tonna tsement ishlab chiqarish rejalashtirilgan.

Tantanali marosimda Namangan viloyati hokimi Hayrulla Bozorov, xitoylik investor va mutaxassislar, viloyat hokimligi va OAV vakillari ishtirok etdi.

“Namangan viloyatida 2017 yil yakuni boʻyicha toʻgʻridan-toʻgʻri xorijiy investitsiyalar 7,5 million dollarni tashkil qildi. 2018 yilda bu koʻrsatkich 74 million dollargacha koʻpaydi. 2019 yilda 125 million dollarga yetdi. Yil yakuniga qadar bu koʻrsatkichni 400 million dollarga yetkazishni rejalashtirdik”, - deb taʼkidladi viloyat hokimi.

“Namangan Jinmingyang building materials” 40 gektar maydonda barpo qilinadi, bu zavod “Bunyodkor Maxsudbek Fayz” va Xitoyning “Hebei Yijia Cheng Trading Co. LTD” kompaniyasi tomonidan tashkil qilinadi. Xitoyliklar bu loyihaga 90 million dollar, qolgan qismini esa Oʻzbekiston tomoni kiritadi.

Zavodda zamonaviy asbob-uskunalar oʻrnatiladi. Loyiha amalga oshirilishi natijasida 700  dan ortiq ish oʻrinlar yaratiladi.

Asosiy mavzular