14:37 26 Avgust 2019
Efir
  • RUB138.47
  • EUR10092.14
  • USD9061.00
Voditel furы na tamojennom postu v Chernyaxovske.

“Termiz — Dushanbe — Qashgʻar” yoʻnalishida ilk avtokarvon yoʻlga chiqdi

© Sputnik / Yevgeniy Karasev
Iqtisod
Havola olish
280 0 0

Mazkur avtokarvonda har uchala davlatdan ikkitadan katta hajmli yuk avtomobillari ishtirok etishmoqda. Ular umumiy hisobda 1422 km masofani bosib oʻtadi.

TOSHKENT, 11 avg — Sputnik. Surxondaryo viloyatining Termiz shahridan “Oʻzbekiston — Tojikiston — Xitoy” yoʻnalishida yangi trasport yoʻlagi boʻyicha tajriba-sinov avtokarvoni yoʻlga chiqdi.

Mazkur avtokarvonda har uchala davlatdan ikkitadan katta hajmli yuk avtomobillari ishtirok etishmoqda.  “Termez Cargo Centr” logistika terminalidan yuk ortgan jami 6 ta avtomobil “Termiz (Oʻzbekiston) – Dushanbe, Vahdat, Koʻlob, Qalʼai Xumb, Xorugʻ, Kulma (Tojikiston) – Qashgʻar (Xitoy) yoʻnalishida harakatlanib umumiy hisobda 1422 km masofani bosib oʻtadi.

“Ushbu loyiha avtomobil transportida xalqaro tashishlarni amalga oshirish yoʻnalishida davlatlar hamkorligini yanada rivojlantirib, savdo- iqtisodiy aloqalarning mustahkamlanishiga oʻzining ijobiy hissasini qoʻshadi”, - deyiladi Transport vazirligi xabarida.

“Termiz — Dushanbe — Qashgʻar” yoʻnalishi boʻyicha tashkil etilayotgan ushbu avtokarvon Oʻzbekiston prezidentining 2019 yil 6 apreldagi “Yuk va yoʻlovchi tashish tizimini tubdan takomillashtirish chora-tadbirlari toʻgʻrisida”gi qarorida belgilangan vazifalar ijrosini taʼminlash yuzasidan amalga oshirilmoqda.

Asosiy mavzular