19:09 16 Sentyabr 2019
Efir
  • RUB142.96
  • EUR10360.56
  • USD9395.63
Proverka dollarov na podlinnost

Valyuta ayirboshlash operatsiyalarini amalga oshirish tartibiga oʻzgartirish kiritiladi

© Sputnik / Maksim Bogodvid
Iqtisod
Havola olish
54910

Tijorat banklarida jismoniy shaxslar bilan valyuta ayirboshlash operatsiyalarini amalga oshirish tartibi toʻgʻrisidagi nizomga oʻzgartirish va qoʻshimchalar kiritiladi.

TOSHKENT, 26 avg – Sputnik. Markaziy bank “Tijorat banklarida jismoniy shaxslar bilan valyuta ayirboshlash operatsiyalarini amalga oshirish tartibi toʻgʻrisidagi nizomga oʻzgartirish va qoʻshimchalar kiritish haqida” qaror loyihasini tayyorladi.

Hujjat loyihasida Markaziy banki Boshqaruvining 2018 yil 28 apreldagi 16/9-son qarori  bilan tasdiqlangan Tijorat banklarida jismoniy shaxslar bilan valyuta ayirboshlash operatsiyalarini amalga oshirish tartibi toʻgʻrisidagi nizomga oʻzgartirish va qoʻshimchalar kiritish nazarda tutilgan:

Xususan, qarorning 5-band quyidagi tahrirda bayon etish:

“5. Chet el valyutasini ayirboshlash operatsiyalari bazaviy hisoblash miqdorining 500 baravari miqdoriga teng boʻlgan yoki undan oshgan hollarda, jismoniy shaxslardan shaxsini tasdiqlovchi hujjat (YATTdan qoʻshimcha ravishda davlat roʻyxatidan oʻtkazilganligi toʻgʻrisidagi guvohnoma nusxasi) talab etiladi (chet el valyutalarini sotish operatsiyasi bundan mustasno) va ushbu hujjat nusxalari operatsiyalarni amalga oshirgan xodimlar tomonidan bank kunlik hujjatlariga tikib qoʻyiladi.”.

2-bob (Tijorat banklari tomonidan valyuta ayirboshlash operatsiyalarini amalga oshirish) nomidagi va 6-banddagi (Tijorat banklari tomonidan valyuta ayirboshlash operatsiyalarini amalga oshirish bank rahbarining buyrugʻiga asosan bankning tegishli tarkibiy boʻlinmasiga yuklatiladi) “valyuta ayirboshlash operatsiyalarini” degan soʻzlar “naqdsiz shaklda chet el valyutasini sotish operatsiyasini” degan soʻzlar bilan almashtiriladi.

Shuningdek, 471-band bilan toʻldirish:

“471. Valyuta ayirboshlash shoxobchalarida rezident jismoniy shaxslarga naqd chet el valyutasini sotish operatsiyasi rezident jismoniy shaxs tomonidan shaxsini tasdiqlovchi hujjat taqdim etilgan holda shoxobchaga topshirgan naqd yoki shaxsiy bank kartasidagi milliy valyuta miqdori doirasida amalga oshiriladi.”.

Barcha oʻzgartirish va qoʻshimchalar bilan quyidagi havola orqali tanishingiz mumkin.

Asosiy mavzular