22:00 21 Oktyabr 2020
Efir
  • RUB133.19
  • EUR12153.63
  • USD10371.76
Iqtisod
Havola olish
144 0 0

Savdo-iqtisodiy va investitsiyaviy aloqalarni yanada mustahkamlash yoʻlida Oʻzbekistonning yirik kompaniyalari vakillaridan iborat delegatsiya yaqin kunlarda Rossiyaning Novgorod viloyatiga tashrif uyushtirishi kutilmoqda.

TOSHKENT, 30 sen — Sputnik. Novgorodlik bir guruh ishbilarmonlarning kuni kecha Oʻzbekistonga tashrifi yakunidagi kelishuvlarga koʻra, joriy yil oktyabr oyida oʻzbekistonlik biznesmenlarning Novgorod viloyatiga safari kutilmoqda. Bu haqda ushbu viloyat hukumati rahbari oʻrinbosari Yevgeniy Bogdanov xabar qildi, deyiladi RIA Novosti xabarida.

“Oʻzbekistonlik tadbirkorlar ishtirokidagi missiyaning Novgorod viloyatiga tashrifini oktyabr oyiga rejalashtirdik. Biz muayyan tarmoqlarda, jumladan, mineral oʻgʻitlar, qurilish materiallari, oziq-ovqat mahsulotlari, yogʻochni qayta ishlash, qishloq xoʻjaligi kabilarda hamkorlik qilishdan manfaatdormiz”, - dedi rossiyalik ishbilarmonlar delegatsiyasi rahbari YE.Bogdanov safar yakunidagi mulohazalarida.  

Ushbu Rossiya biznes-missiyaning Oʻzbekistonga safari RF Investitsiyalar siyosati vazirligining hududiy boʻlinmasi va Eksportni qoʻllab-quvvatlash Novgorod markazi tomonidan tashkillashtirildi.

Oktyabr oyida ikkinchi Rossiya-Oʻzbekiston forumi oʻtkaziladi

Novgoroddan Oʻzbekistonga asosan qogʻoz, karton va undan tayyorlanadigan buyumlar, yogʻoch-taxta va yogʻoch buyumlari, kulolchilik buyumlari, tosh, gips va tsementdan boʻlgan buyumlar hamda elektrik mashinalardan tarkib topgan mahsulotlar eksporti yoʻlga qoʻyilgan.

Oʻzbekistondan Novgorod viloyatiga eskport qilinadigan mahsulotlar qatorida esa kauchuk, rezina va rezina buyumlari, plastmassa va undan tayyorlanadigan mahsulotlar, boshqa qimmatbaho boʻlmagan metallar, elektrik mashinalar va ularning ehtiyot qismlari kabilar oʻrin topgan.

Novgorod viloyati hududida hozirda oʻzbek kapitali ishtirokidagi sakkizta korxona oʻz faoliyatini yuritmoqda. Mashinalar va oziq-ovqat mahsulotlarining ulgurji savdosi; turar joy va jamoat binolarining qurilishi; meditsina sohasidagi mahsulotlar va yogʻoch qurilish konstruktsiyalarini ishlab chiqish; oziq-ovqat mahsulotlarini yetkazib berish kabilar ushbu korxonalarning asosiy faoliyat turlari jumlasidandir. 

Asosiy mavzular