19:39 18 Noyabr 2019
Efir
  • RUB148.82
  • EUR10455.03
  • USD9490.77
Tsentralnыy bank Uzbekistana

Oʻzbek banklarining ilgari nazarda tutilmagan yangi xizmat turlari joriy etildi

© Sputnik / Ramiz Baxtiyarov
Iqtisod
Havola olish
280 0 0

Banklarga qimmatbaho metallarni sotib olish va sotish, elektron pullarni ishlab chiqarish va ularni qoʻllash kabi operatsiyalarni amalga oshirishga ruxsat berildi.

TOSHKENT, 6 noyab - Sputnik. Oʻzbekiston prezidenti kuni-kecha “Banklar va bank faoliyati toʻgʻrisida”gi qonunga imzo chekdi. 

Qonun ishlab chiqilishida Jahon banki koʻmagida ilgʻor xorijiy tajriba, umumeʼtirof etilgan norma va standartlar oʻrganilib tatbiq etildi.

Qonun bilan moliyaviy operatsiyalar roʻyxati mol-mulk va aktivlarni ishonchli boshqarish, affinlangan qimmatbaho metallarni sotib olish va sotish, hosilaviy moliya vositalari bilan operatsiyalarni amalga oshirish, metall hisobvaraqlarini yuritish kabi ilgari qonun hujjatlarida nazarda tutilmagan yangi xizmat turlari bilan kengaytirilmoqda.

Qonun bilan banklarga ayrim xizmat va operatsiyalar turlarini autsorsingga topshirish huquqi berilmoqda.

Endilikda bank faoliyatining oʻziga xos xususiyatlari, yaʼni jalb etiladigan mablagʻlar bilan operatsiyalarni amalga oshiruvchi tashkilot ekanligini inobatga olib, qonun bilan bank taʼsischilarining ishbilarmonlik obroʻ-eʼtibori va avvalgi faoliyati natijadorligiga nisbatan talablar oʻrnatilgan.

Markaziy bank toʻlov tizimlari ustidan nazoratni kuchaytiradi

Banklarning ishonchliligi va barqarorligini taʼminlash maqsadida bankning kuzatuv kengashi va boshqaruvining vazifa va vakolatlari ham belgilab oʻtilgan.

Shu bilan birga, qonun banklar faoliyatining yanada ochiqligini, bank xizmatlarini koʻrsatish bilan bogʻliq boʻlgan maʼlumotlarni oshkor qilish orqali bank xizmatlari istʼyemolchilari huquqlarini va manfaatlarini himoya qilishni taʼminlashga qaratilgan.

Asosiy mavzular