19:04 18 Noyabr 2019
Efir
  • RUB148.82
  • EUR10455.03
  • USD9490.77
Prezident Uzbekistana Shavkat Mirziyoyev

Mirziyoyev befarq va masʼuliyatsiz rahbarlarni keskin tanqid qildi

Press-slujba prezidenta Uzbekistana
Iqtisod
Havola olish
457 0 0

Yigʻilishda Shavkat Mirziyoyev hokimlar 50 foiz ish vaqtini yangi kichik biznes subʼyektlari tashkil etish va ishlayotgan tadbirkorlarning muammolarini aniqlash hamda hal etishga sarflashi lozimligini taʼkidladi.

TOSHKENT, 7 noyab - Sputnik. Shavkat Mirziyoyev joriy yilda davlat byudjetiga tushumlar prognozi ijrosini taʼminlash, tadbirkorlik va kichik biznesni joylarda yanada rivojlantirish uchun qoʻshimcha imkoniyatlarni aniqlash va ishga solish boʻyicha koʻrilayotgan choralar samaradorligi hamda bu boradagi dolzarb vazifalarga bagʻishlangan videoselektor yigʻilishi oʻtkazdi. Yigʻilishda befarq va masʼuliyatsiz rahbarlar keskin tanqid qilindi.

Qayd etilishicha, tadbirkorlarni qoʻllab-quvvatlash va biznes muhitini yaxshilash boʻyicha amalga oshirilayotgan tub islohotlar natijasida, Jahon bankining “Biznes yuritish – 2020” hisobotida Oʻzbekiston 7 pogʻonaga koʻtarilib, 69-oʻrinni egalladi va dunyoning eng yaxshi 20 ta islohotchi davlati qatoridan joy olgan. 

Joriy yilning oʻtgan 10 oyida 91 mingta yoki 2018 yilgiga nisbatan 2 barobar koʻp yangi tadbirkorlik subʼyekti tashkil etildi. Lekin hali soha rivoji yoʻlida qilinadigan ishlar ham koʻp.

Prezident muddatidan oldin soliq olayotgan rahbarlarni tanqid qildi

Shu bois bugungi videoselektor yigʻilishida tadbirkorlarga yerni onlayn auktsion orqali berish, mulkni roʻyxatdan oʻtkazish boʻyicha idoralararo elektron axborot almashinuvini taʼminlash zarurligi taʼkidlandi. Xorijiy tajriba asosida, mulkka boʻlgan huquqni davlat roʻyxatidan mustaqil oʻtkazishga masʼul alohida tuzilma tashkil etish taklifi bildirildi. 

“Prezident hokimlar 50 foiz ish vaqtini yangi kichik biznes subʼyektlari tashkil etish va ishlayotgan tadbirkorlarning muammolarini aniqlash hamda hal etishga sarflashi lozimligini taʼkidlab, juda koʻp rahbarlar bunga befarqlik va masʼuliyatsizlik bilan qarab kelayotganini keskin tanqid qildi”, - deyiladi prezident matbuot xabarida. 

Xabarda buni bosh vazirning Tadbirkorlar murojaatlarini koʻrib chiqish qabulxonalariga kelib tushgan 26 mingta murojaatning deyarli yarmi bevosita tuman darajasida hal qilish mumkin boʻlsa-da, muammolar joyida yechilmagani uchun fuqarolar yuqori idoralarga murojaat qilishga majbur boʻlayotgani ham yaqqol koʻrsatib turgani aytilgan.

Maʼlum qilinishicha, bunday holatlar Samarqand, Toshkent, Xorazm, Andijon, Jizzax, Qashqadaryo viloyatlarida ancha yuqori.

Murojaatda tadbirkorlar oldida bundan keyin hech qanday toʻsiqlar boʻlmasligi, hududdagi barcha rahbarlar ularga yaqindan koʻmakchi boʻlishi, har kuni doimiy ravishda tadbirkorlar masalalari bilan shugʻullanishi toʻgʻrisida hokimlar shaxsan kafolat beradi.

Taʼkidlanishicha, murojaatning bosh mazmuni hamma narsa tadbirkor uchun ekanligini xalqqa yetkazishdan iborat. Shuning uchun murojaatni ommaviy axborot vositalari, ijtimoiy tarmoqlar va aholi gavjum joylardagi bannerlarda eʼlon qilib, unda hokimlar, sektorlar va mutasaddi idoralar rahbarlarining telefon raqamlari ham koʻrsatilishi shartligi belgilandi.

Asosiy mavzular