01:18 01 Aprel 2020
Efir
  • RUB121.10
  • EUR10637.67
  • USD9554.22
Iqtisod
Havola olish
279 0 0

“Moliyaviy hisobotning xalqaro standartlariga oʻtish boʻyicha qoʻshimcha chora-tadbirlar toʻgʻrisida” prezident qarori qabul qilindi.

TOSHKENT, 25 fev – Sputnik. “Moliyaviy hisobotning xalqaro standartlariga oʻtish boʻyicha qoʻshimcha chora-tadbirlar toʻgʻrisida” prezident qarori qabul qilindi.

Timur Ishmetov naznachen Ministrom finansov Respubliki Uzbekistan
Press-slujba ministerstva finansov Respubliki Uzbekistan

Qarorga muvofiq, aktsiyadorlik jamiyatlari, tijorat banklari, sugʻurta tashkilotlari va yirik soliq toʻlovchilar toifasiga kiritilgan yuridik shaxslar:

- 2021 yil 1 yanvardan boshlab, moliyaviy hisobotning xalqaro standartlari (MHXS) asosida buxgalteriya hisobi yuritilishini tashkil etadi va 2021 yil yakunlaridan boshlab moliyaviy hisobotni MHXS asosida tayyorlaydi (qonun hujjatlarida MHXSga oʻtishning ertaroq muddatlari nazarda tutilgan yuridik shaxslar bundan mustasno);

- 2021 yil yakuniga qadar "MHXS boʻyicha moliyaviy hisobot" fanini muvaffaqiyatli topshirganligi toʻgʻrisidagi hujjatga yoki xalqaro buxgalter sertifikatiga ega kamida 3 ta mutaxassis miqdorida MHXSni sifatli qoʻllash uchun yetarli boʻlgan buxgalteriya xizmati xodimlari faoliyatini taʼminlaydi.

Qarorga koʻra, moliyaviy hisobotni ixtiyoriy ravishda MHXSga muvofiq tayyorlaydigan tadbirkorlar buxgalteriya hisobining milliy standartlari boʻyicha moliyaviy hisobot taqdim etishdan ozod etiladi.

Moliya vazirligi MHXSni joriy etish boʻyicha vakolatli organ etib belgilandi va unga qator funktsiyalar yuklatildi.

2021 yildan boshlab, MHXS va auditning xalqaro standartlari boʻyicha oʻqitish faqat buxgalteriya hisobi sohasidagi xalqaro tashkilotning akkreditatsiyasidan oʻtgan oʻquv markazlari tomonidan amalga oshiriladi.

Xalqaro buxgalter sertifikatiga ega boʻlgan talabgorlar OTMlar magistraturasining "Buxgalteriya hisobi" va "Audit" mutaxassisliklariga kirish imtihonlarini topshirmasdan toʻlov-kontrakt asosida kirish huquqiga ega boʻldi.

Asosiy mavzular