19:37 04 Iyun 2020
Efir
  • RUB121.10
  • EUR10637.67
  • USD9554.22
Iqtisod
Havola olish
Oʻzbekiston va YEOII – integratsiya istiqbollari (48)
53011

Strategiya import oʻrnini bosuvchi mahsulotlarni ishlar chiqarish jarayonlarini faollashtirish, sanoatni lokalizatsiya qilish va yuqori integratsion tarkibiy qismga ega qoʻshma tashabbuslarni ilgari surish uchun asos yaratadi.

TOSHKENT, 19 may — Sputnik. Rossiya prezidenti Vladimir Putin YevroOsiyo iqtisodiy integratsiyasini 2025 yilgacha rivojlantirish strategiyasining asosiy vazifalarini eʼlon qildi.

Rossiya yetakchisi YevroOsiyo iqtisodiy Oliy kengashining videokonferentsiya shaklida oʻtgan yigʻilishda nutq soʻzladi.

“Loyihada tovarlar, xizmatlar, kapital va ishchi kuchining umumiy bozorini shakllantirishni nihoyasiga yetkazish, bojxona va maʼmuriy tartibga solishni takomillashtirish va raqamli makonni yaratish boʻyicha kompleks vazifalar qoʻyilgan. Shuningdek, unga iqtisodiyotning yuqori samarali tarmoqlarida qoʻshma kooperativ loyihalarni boshqarish tizimini yaratish kiradi”, - dedi Putin.

Uning soʻzlariga koʻra, strategiya import oʻrnini bosuvchi mahsulotlarni ishlar chiqarish jarayonlarini faollashtirish, sanoatni mahalliylashtirish va yuqori integratsion tarkibiy qismga ega boʻlgan qoʻshma tashabbuslarni ilgari surish uchun asos yaratadi.

YEOII davlatlarida oziq-ovqat xavfsizligini, birinchi galda zarur boʻlgan oziq-ovqat mahsulotlari, boshqa oʻta muhim mahsulotlarini ishlab chiqarishni taʼminlaydigan yangi ishlab chiqarish quvvatlari yaratilishi kerak.

Strategiya YEOII davlatlarining ilmiy-texnik va gumanitar sohalarda hamkorlikni kengaytirishni koʻzda tutadi. Kasbiy va universitet taʼlimi, kadrlarni tayyorlash, akademik harakatchanlikni oshirish va koʻp tomonlama taʼlim dasturlarini joriy etish boʻyicha yirik qoʻshma loyihalarini amalga oshirish rejalashtirilgan.

“Umuman olganda, nazarimizda, YevroOsiyo iqtisodiy ittifoqining yaqin va oʻrta muddatli istiqbolga moʻljallangan kursini belgilab beruvchi keng koʻlamli hujjat boʻldi. Uning qabul qilinishi integratsiyani chuqurlashtirish, iqtisodiyotlarimizni yaqinlashtirish va hamkorlik sohalarini kengaytirish uchun mustahkam zamin yaratadi”, - deb qoʻshimcha qildi Rossiya prezidenti.

Eslatib oʻtamiz, Oʻzbekiston prezidenti Shavkat Mirziyoyev oʻtgan yilning kuzida respublikaning YEOIIga qoʻshilish masalasini ishlab chiqish haqida topshiriq bergandi.

May boshida Oʻzbekiston parlamentining yuqori palatasi - senatning toʻrtinchi yalpi majlisida senatorlar Oʻzbekistonning YEOIIda "kuzatuvchi davlat" maqomida ishtirok etish taklifini maʼqullashdi. Mazkur masala boʻyicha Oliy Majlis Senatining tegishli qarori qabul qilindi.

YEOII - 2015 yil 1 yanvardan boshlab faoliyat koʻrsatuvchi, xalqaro integratsiya iqtisodiy birlashma hisoblanadi. Ittifoq tarkibiga Rossiya, Armaniston, Belarus, Qozogʻiston va Qirgʻiziston kiradi.

Mavzu:
Oʻzbekiston va YEOII – integratsiya istiqbollari (48)

Asosiy mavzular