19:43 22 Oktyabr 2020
Efir
  • RUB133.19
  • EUR12153.63
  • USD10371.76
Iqtisod
Havola olish
59 0 0

Joriy yilning yanvar-iyun oylarida Oʻzbekistonda oʻzlashtirilgan xorijiy investitsiyalarning umumiy hajmi 4,8 mlrd dollarni tashkil etdi.

TOSHKENT, 22 iyul — Sputnik. Joriy yilning yanvar-iyun oylarida Oʻzbekistonda oʻzlashtirilgan xorijiy investitsiyalarning umumiy hajmi 4,8 mlrd dollarni, shu jumladan toʻgʻridan-toʻgʻri xorijiy investitsiyalar - 3,2 mlrd dollarni va davlat kafolati ostidagi xorijiy kreditlar - 1,6 mlrd dollarni tashkil etdi. Bu haqda Investitsiyalar va tashqi savdo vazirligi xabar qildi.

Oʻzbekiston iqtisodiyotiga investitsiyalarni kiritish boʻyicha Rossiya, Xitoy, Germaniya va Turkiya davlatlari yetakchilik qildi. Respublika iqtisodiyotiga investitsiya kiritgan mamlakatlarning umumiy soni 37 tani tashkil etdi.

Koʻrib chiqilayotgan davrda elektrotexnika sanoati (2019 yilning shu davriga nisbatan oʻsish - 13 barobar), qurilish materiallari ishlab chiqarish (oʻsish – 3,6 barobar), AKT (oʻsish – 3,5 barobar) sohalari investorlar uchun eng jozibador boʻlib qoldi. Oziq-ovqat sanoati (oʻsish – 1,5 barobar), kimyo sanoati (oʻsish – 1,3 barobar) va toʻqimachilik sanoati (oʻsish – 1,6 barobar) ham yaxshi oʻsish dinamikasini koʻrsatdi.

Taʼkidlanishicha, mintaqaviy ahamiyatga molik loyihalarga toʻgʻridan-toʻgʻri xorijiy investitsiya va kreditlarni jalb qilishning oʻsish tendentsiyasi mustahkamlandi va hisobot davrida 2 mlrd dollarni tashkil etib, 2019 yilning shu davriga nisbatan 1,05 barobarga oshdi. Hududiy loyihalar doirasida investitsiyalarni oʻzlashtirish hajmi toʻgʻridan-toʻgʻri xorijiy investitsiyalar umumiy hajmining 62,3 foizini tashkil etdi.

Viloyatlar kesimida 2020 yilning birinchi yarmida toʻgʻridan-toʻgʻri xorijiy investitsiyalar oʻsishining eng yuqori dinamikasi Namangan (1,6 barobar), Toshkent (1,6 barobar), Qashqadaryo (1,5 barobar) va Sirdaryo (1,4 barobar) viloyatlarida kuzatildi.

Umuman olganda, 2020 yil oxiriga qadar 2 mingdan ortiq ijtimoiy, infratuzilmaviy va sanoat obʼyektlari, shu jumladan 206 ta yangi yirik ishlab chiqarish obʼyekti, 240 ta hududiy ahamiyatga ega ishlab chiqarish obʼyekti hamda 1,6 mingga yaqin ijtimoiy va infratuzilmaviy obʼyektlari foydalanishga topshirilishi rejalashtirilgan.

Teglar:
iqtisod, investor, Oʻzbekiston

Asosiy mavzular