23:16 29 Sentyabr 2020
Efir
  • RUB132.07
  • EUR12003.57
  • USD10321.21
Iqtisod
Havola olish
326 0 0

Ortiqcha byurokratik toʻsiqlarni bartaraf etish, zamon talablariga mos kelmaydigan talablarni olib tashash maqsadida prezident koʻplab litsenziya va ruxsatnomalarni bekor qiladigan farmonni imzoladi.

TOSHKENT, 25 avg - Sputnik. 2021 yilning birinchi yanvaridan boshlab bir necha oʻnlab litsenziya va ruxsatnomalar bekor qilinadi, qolganlarini olish tartibi soddalashtiriladi. Bu haqida Oʻzbekiston prezidentining 24 avgust kuni imzolangan "Litsenziyalash va ruxsat berish tartib-taomillarini tubdan takomillashtirish chora-tadbirlari toʻgʻrisida"gi farmonida aytib oʻtilgan. 

Farmonga muvofiq, 2021 yil 1 yanvardan boshlab:

  • 37 ta litsenziya va 10 ta ruxsatnoma bekor qilinadi;
  • 16 ta litsenziya va 11 ta ruxsatnoma birlashtirish yoʻli bilan bekor qilinadi;
  • 17 ta litsenziya va 14 ta ruxsatnomalar xabardor qilish tartibi joriy etilishi yoʻli bilan bekor qilinadi;
  • 14 ta turdagi litsenziya va ruxsatnomalarni rasmiylashtirish muddatlari qariyb 2 baravarga qisqartiriladi;
  • 115 ta litsenziya va ruxsat berish xususiyatiga ega hujjatlarni olish tartib-taomillari yanada soddalashtiriladi.

Undan tashqari, 2021 yil 1 yanvardan boshlab:

  1. turizm faoliyatini litsenziyalashda turoperatorlar xizmatlarini sertifikatlash ixtiyoriy etib belgilanadi.
  2. kredit byurolari faoliyatini litsenziyalashda kamida 10 ta tijorat banki bilan kredit almashinuvini amalga oshirishga roziligini tasdiqlovchi hujjat mavjudligi talabi bekor qilinadi.
  3. Aptekalarning har bir filiali uchun alohida litsenziya olish talab qilinmaydi.
  4. Yer qaʼri uchastkalaridan foydalanish huquqi uchun litsenziya olishda talabgordan mahalliy davlat hokimiyati organlarining kafolat xatlarini olishni talab qilish tartibi bekor qilinadi.
Prezident yangi farmoninning maqsadi - respublikada ishbilarmonlik va investitsiya muhitini tubdan yaxshilash, ortiqcha byurokratik toʻsiqlarni bartaraf etish, eskirgan, zamon talablariga mos kelmaydigan tartib-taomillarni takomillashtirishdir. 

Farmonning toʻliq matni bilan quyida tanishishingiz mumkin. 

Asosiy mavzular