21:55 29 Sentyabr 2020
Efir
  • RUB132.07
  • EUR12003.57
  • USD10321.21
Iqtisod
Havola olish
86120

Jizzaxda 2020 yil oxiriga qadar Kia avtomobillari ishlab chiqarish yoʻlga qoʻyiladi. Dastlab yiliga 25 ming keyinchalik 100 ming dona avtomobil ishlab chiqarish rejalashtirilgan. 

TOSHKENT, 10 sen - Sputnik. Oʻzbekistonda 2020 yilning noyabrida Kia avtomobillari ishlab chiqarish boshlanadi, deb xabar qilmoqda "Izvestiya" nashri 10 sentyabr kuni eʼlon qilingan press-relizga asosan.

Jizzax shahrida joylashgan ishlab chiqarish liniyasida  Kia K5 va Kia Seltos modellarini ishlab chiqarish rejalashtirilgan. Ishlab chiqarish jarayoni Kia Motors kompaniyasining Rossiyadagi shtab-kvartirasi nazorati ostida yoʻlga qoʻyiladi, - deyilgan xabarda.  

Birinchi bosqichda yiliga 25 ming dona avtomobil ishlab chiqariladi, keyinchalik payvandlash tsexi hamda rang berish tsexlari ishga tushiriladi va ishlab chiqarish hajmi 100 mingga yetkaziladi. 

Maʼlumot uchun 2020 yilda Rossiyada avtomobillarga boʻlgan talab keskin kamaygani kuzatilgan. Dastlabki xulosalarga koʻra ayni damda talab kamayishi 30% miqdorida kuzatilmoqda, yil oxiriga borib ushbu natija 20%ni tashkil qilishi mumkin. 

Rossiya avtomobil bozorida Janubiy Koreyaning Kia va Hyundai avtomobillari eng koʻp sotilayotgan xorijiy brendlar boʻlib qolmoqda. 

Asosiy mavzular