23:04 24 Sentyabr 2020
Efir
  • RUB136.28
  • EUR12210.60
  • USD10315.62
Iqtisod
Havola olish
8710

2020 yilda Oʻzbekiston YAIM oʻsishini 0,5% darajasida prognoz qilmoqda va bu iyun oyidagi 1,5% darajasidagi prognozga nisbatan pasayishdir.

TOSHKENT, 15 sen — Sputnik. Osiyo taraqqiyot banki (OTB) tomonidan eʼlon qilingan yangi hisobotga koʻra COVID-19 pandemiyasi, talabning sustligi, sanoat ishlab chiqarishi va xizmatlar sohasidagi pasayish natijasida bu yil Oʻzbekistondagi iqtisodiy oʻsishning yanada pasayishi kutilmoqda.

2020 yilda Oʻzbekiston YAIM oʻsishini 0,5% darajasida prognoz qilmoqda va bu iyun oyidagi 1,5% darajasidagi prognozga nisbatan pasayishdir. Biroq, 2021 yilda YAIM 6,5% gacha koʻtarilishi kutilmoqda va bu prognoz bu yil oldinroq qilingan prognozga mos keladi.

“Bizning hisobotimizda bu yil oʻsishning pasayishini taxmin qilinayotgan boʻlsa-da, xizmatlar va sanoat sohalarida kutilayotgan oʻsish natijasida 2021 yilda qayta tiklanish kutilmoqda”,- deydi OTBning Oʻzbekistondagi Doimiy vakolatxonasi rahbari Sindi Malvichini.

Bankning inflyatsiya prognozlari oʻzgarishsiz qolmoqda — 2020 yilda 13% va 2021 yilda 10%. Pandemiya bilan bogʻliq uzilishlar 2020 yilning dastlabki 7 oyida oziq-ovqat mahsulotlari narxlarining inflyatsiyasini oshirdi, biroq bu davrda boshqa tovar va xizmatlar narxlari inflyatsiyasi sekinlashdi. Shu bilan birga, oldingi yilga nisbatan Oʻzbekiston soʻmining AQSH dollariga nisbatan qadrsizlanishi 2019 yilning birinchi yarmidagi 2,5%dan bu yil 6,7%gacha koʻtarildi.

Sayohat cheklovlari va Rossiyadagi zaiflik tufayli pul oʻtkazmalarining qisqarishi va tabiiy gaz va misga boʻlgan talabning va narxlarning pasayishi sababli tovarlarning eksporti 19,7% ga pasayishi natijasida Oʻzbekistonning joriy hisob defitsiti 2020 yilning birinchi yarmida YAIMning 7,7%ga oʻsdi, va oʻtgan yilning shu davrida bu koʻrsatkich 6,8% tashkil etdi.

Taʼminot zanjiridagi uzilishlar tovarlar importining 14,1%ga qisqarishiga olib keldi va qurilish va sanoat mollari importida sezilarli pasayish kuzatildi. Xizmatlar eksporti 38,6%ga, importi esa 28,4%ga pasaydi. Eksport va pul oʻtkazmalaridagi zaiflik davom etiyotgan sharoitda bank joriy hisob defitsitining 2020 yilda oshishini va 2021 yilda eksport va pul oʻtkazmalarining tiklanishi natijasida qisqarishini prognoz qilmoqda.

Eslatib oʻtamiz, avvalroq Jahon banki Oʻzbekiston YAIM oʻsishi boʻyicha prognozini 1,6 foizdan 1,5 foizgacha pasaytirgani xabar qilingan edi. Shu bilan birga, mamlakat mintaqada iqtisodiyoti oʻsishda davom etadigan yagona davlat boʻlib qoladi.

Asosiy mavzular