23:07 20 Sentyabr 2020
Efir
  • RUB137.65
  • EUR12194.82
  • USD10295.33
Iqtisod
Havola olish
190 0 0

Ayni paytda sanoat kooperatsiyasi sohasida 5,8 mlrd dollar miqdorida 104 ta investitsiya loyihasi ishlab chiqilmoqda.

TOSHKENT, 16 sen — Sputnik. Oʻzbekiston va Rossiya 5,8 mlrd dollar miqdorida 104 ta investitsiya loyihasi ustida ish olib bormoqda. Bu haqda Investitsiyalar va tashqi savdo vazirligi xabar qilmoqda.

Vazirlik matbuot xizmati xabariga koʻra, Oʻzbekiston bosh vazirining oʻrinbosari Sardor Umurzakov Rossiya hukumati raisining oʻrinbosari Aleksey Overchuk bilan ikki mamlakat investitsiyaviy hamkorligining istiqboli va savdo aloqalarini muhokama qildi.

“Ayni paytda sanoat kooperatsiyasi sohasida 5,8 mlrd dollar miqdorida 104 ta investitsiya loyihasi ishlab chiqilmoqda”, - deyilgan xabarda.

Qoʻshma loyihalar keyinchalik uchinchi mamlakat bozorlariga sotilishi uchun qoʻshimcha qiymatli mahsulotlar ishlab chiqarishni tashkil etishga qaratilgan.

Vazirlik maʼlumotlariga koʻra, joriy yilning sakkiz oyi davomida 209 qoʻshma korxona tashkil etildi va Rossiya kapitali ishtirokidagi Oʻzbekistondagi korxonalarning umumiy soni soʻnggi uch yil ichida ikki baravarga koʻpayib 2 mingtadan oshdi.

Tomonlar imzolanishi ikki mamlakat oʻrtasida tovar aylanmasini oshirish uchun qulay sharoit shakllantirishga imkon yaratadigan bir qator hukumatlararo va idoralararo hujjatlar kelishuvini jadallashtirish mexanizmlarini koʻrib chiqishdi.

Jumladan, Mintaqalararo hamkorlikning II Forumi, XHYUK hududida Oʻzbekiston Respublikasi Koʻrgazma-madaniy markazining ochilishi, Moskvada “Made in Uzbekistan” Milliy koʻrgazmasi, Taʼlim forumi va Mediaforum tashkil etilishining amaliy jihatlari muhokama qilindi.

Shuningdek, Oʻzbekistonning Yevrosiyo iqtisodiy ittifoqi bilan hamkorligi va bu boradagi faol ikki tomonlama munosabatlarni davom ettirish yuzasidan konstruktiv fikr almashildi.

Asosiy mavzular