13:32 25 Oktyabr 2020
Efir
  • RUB133.19
  • EUR12153.63
  • USD10371.76
Iqtisod
Havola olish
44020

Yashirin iqtisodiyotni keskin qisqartirish chora-tadbirlari toʻgʻrisida prezident farmoni loyihasi tayyorlandi.

TOSHKENT, 8 okt — Sputnik. Moliya vazirligi tomonidan “Yashirin iqtisodiyotni keskin qisqartirish chora-tadbirlari toʻgʻrisida” prezident farmoni loyihasini tayyorlanib, umumiy muhokamaga qoʻyildi.

Hujjatda qayd etilishicha, 2021 yil 1 yanvardan:

“a) 2022 yil 1 yanvargacha boʻlgan muddatga, umumiy ovqatlanish sohasidagi kichik biznes subʼyektlarining bank kartalari va kontaktsiz toʻlovlardan foydalangan holda jismoniy shaxslardan olingan daromadlari umumbelgilangan soliqlarni toʻlashga majburiy tartibda oʻtish maqsadida umumiy daromadga kiritilmasligi tartibi joriy etiladi;

b) jismoniy shaxslarga oʻzini oʻzi band qilgan shaxslar sifatida 5 kishidan koʻp boʻlmagan oʻrindiqli (haydovchini hisobga olgan holda) yengil avtomobil transportida tashish faoliyatini amalga oshirishga ruxsat beriladi.

Bunda oʻzini oʻzi band etuvchi shaxslar yengil avtomobil transportida yoʻlovchilarni tashish faoliyatini mobil ilovalar – agregatorlar orqali amalga oshirganlarida olingan daromadlarga ijtimoiy soliqni toʻlash bilan bir qatorda jismoniy shahslardan daromad soligʻi belgilangan toʻlov stavka boʻyicha olingan daromad summasi 50 foizga kamaytirilgan holda soliq solinadi;

v) riyeltorlik faoliyati bilan shugʻullanadigan shaxslar uchun aylanmadan olinadigan soliq stavkasi 25 foizdan 13 foizgacha pasaytiriladi;

g) tovarlarni tashishni amalga oshiruvchi transport vositalarining (bojxona nazorati ostidagi tranzit va import tovarlari bundan mustasno) elektron hisob-fakturalar, toʻlov terminallari kvitantsiyalari va ulardagi onlayn-kassa mashinalarining cheklarini rasmiylashtirmagan holda harakatlanishi taʼqiqlanadi;

d) hisob-fakturalarni elektron almashinuvi bilan bir qatorda tovarlarni (xizmatlarni) yetkazib berish shartnomalarini va inventarizatsiyani olish uchun ishonchnomalarni majburiy elektron roʻyxatdan oʻtkazish yoʻlga qoʻyiladi;

ye) qurilish korxonalariga ishchilarni ish haqini uning hajmi hisobot davri uchun mehnatga haq toʻlash fondining jami miqdorining 10 foizidan oshmagan holda (ijtimoiy soliq summasini hisobga olmaganda) naqd pulda toʻlash huquqi bilan shartnoma tuzmasdan yollashga muddatli ravishda ruxsat beriladi. Bunda:

qurilish tashkilotlari belgilangan tartibda jismoniy shaxslardan olinadigan daromad soligʻi va ijtimoiy soliqning toʻlanishini taʼminlaydi, shuningdek har oyda davlat soliq organlariga shartnomasiz qabul qilingan xodimlarning reyestrini, ularga toʻlangan naqd pul miqdorini koʻrsatib boradi;

Davlat soliq xizmati organlari qurilish tashkilotlari tomonidan taqdim etilgan reyestrlar asosida soliq toʻlovchilarni avtomatik ravishda identifikatsiyalaydilar va toʻlangan jismoniy shaxslardan olinadigan daromad soligʻi va ijtimoiy soliqni hisobga olishni taʼminlaydilar.

Belgilansinki, shartnoma tuzmasdan ishga yollangan shaxslarga ishlab chiqarishdagi baxtsiz hodisalar roʻy bergan taqdirida xodimlarni ijtimoiy himoya qilishni taʼminlaydigan qonun hujjatlari normalari tatbiq etiladi”, - deyilgan hujjatda.

Asosiy mavzular