16:05 04 Dekabr 2020
Efir
  • RUB137.48
  • EUR12473.23
  • USD10427.38
Iqtisod
Havola olish
55 0 0

Davlat statistika qoʻmitasi maʼlumotlariga koʻra, joriy davrda YAIM oʻsishida qishloq, oʻrmon va baliqchilik xoʻjaligining hissasi eng yuqori boʻldi.

TOSHKENT, 11 noya — Sputnik. 2020 yilning 9 oylik yakunlariga koʻra, Oʻzbekistonning yalpi ichki mahsuloti oʻtgan yilning mos davri bilan taqqoslaganda 0,4 foizga oʻsdi.

Davlat statistika qoʻmitasi maʼlumotlariga koʻra, joriy davrda YAIM oʻsishida qishloq, oʻrmon va baliqchilik xoʻjaligining hissasi eng yuqori boʻldi. Mazkur tarmoqda ishlab chiqarish hajmi 3,4 foizga oshgan holda, YAIMning 0,8 foiz punktga oʻsishini taʼminladi.

Qurilish tarmogʻida 8,6 foizga yuqori oʻsish surʼatlari kuzatilgan boʻlsa-da, YAIM oʻsishidagi hissasi 0,5 foiz punktni tashkil etdi.

Sanoat tarmogʻida ishlab chiqarish hajmlarining 2,7 foizga kamayishi taʼsirida YAIM hajmining 0,7 foiz punktga kamayishi kuzatildi.

Xizmatlar sohasida kuzatilgan 0,7 foizga kamayish YAIM oʻsishiga -0,2 foiz punkt salbiy taʼsir koʻrsatdi.

Mahsulotlarga sof soliqlarning 0,6 foizga kamayishi, YAIM oʻsishiga sezilarli salbiy taʼsir koʻrsatmadi va -0,04 foiz punktni tashkil etdi.

Asosiy mavzular