11:00 19 Yanvar 2021
Efir
  • RUB142.66
  • EUR12682.88
  • USD10500.81
Iqtisod
Havola olish
100 0 0

Tegishli cheklov dekabr oyida keltirilgan quritilgan oʻrik partiyasida kapr qoʻngʻizi aniqlangani tufayli kiritilgan edi.

TOSHKENT, 30 dek — Sputnik. Rosselxoznadzor 1 yanvardan Oʻzbekistonning Fargʻona viloyatidan quritilgan mevalarni olib kirishga qoʻyilgan cheklovlarni bekor qiladi. Bu haqda idora matbuot xizmati xabar qilmoqda.

“Rosselxoznadzor 2021 yil 1 yanvaridan boshlab Rossiyaga Oʻzbekiston Respublikasining Fargʻona viloyatidan quritilgan mevalarni olib kirishga ruxsat beradi. Xizmatning qarori Oʻzbekiston Vazirlar Mahkamasi huzuridagi Oʻsimliklar karantini davlat inspektsiyasi bilan muzokaralar natijalari va Oʻzbekiston tomonining bergan kafolatlariga asoslangan”, - deyilgan xabarda.

Tegishli cheklov dekabr oyida keltirilgan quritilgan oʻrik partiyasida kapr qoʻngʻizi aniqlangani tufayli kiritilgan edi.

Taʼkidlanishicha, endi quritilgan mevalar fitosanitariya sertifikatlarida ishlab chiqaruvchining nomi va uning manzili majburiy koʻrsatilishi bilan amalga oshiriladi.

Bundan tashqari, Oʻzbekistonning Fargʻona viloyatidan olib kelinayotgan quritilgan mevaning har bir partiyasiga oldindan elektron xabarnoma va mahsulotning fitosanitariya xavfsizligini tasdiqlovchi laboratoriya bayonnomalar ilova qilinadi.

Teglar:
kapr qoʻngʻizi, Fargʻona viloyati, Rosselxoznadzor

Asosiy mavzular