TOShKENT, 6-may — Sputnik. "Toshkent" seysmostansiyasining bergan ma’lumotiga ko‘ra, bugun soat 12:15da O‘zbekistonning ayrim hududlarida zilzila qayd etilgan. Bu haqda O‘zbekiston FVV matbuot xizmati xabar berdi.
Zilzila epimarkazi Toshkent shahridan 318 km uzoqlikda, Qirg‘iziston Respublikasi hududiga to‘g‘ri keladi. Epimarkazda qayd etilgan zilzila magnitudasi 5 ballni tashkil etgan.
Respublika hududida seysmik faollik Toshkentda 2 ball, Farg‘onada 3 ball, Andijonda 3 ball, Namanganda 3 ballni tashkil etgan.
Xabarda aytilishicha, O‘zbekistonning boshqa hududlarida seysmik faollik kuzatilmadi.
3 maydan buyon O‘zbekistonning ba’zi hududlarida epimarkazi Tojikiston va Qirg‘izistonda bo‘lgan kuchsiz yer silkinishlari kuzatilmoqda.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
