TOShKENT, 12-may — Sputnik. Sirdaryo tumani Ichki ishlar bo‘limi katta tezkor xodimi Zafar Husanov yirik miqdorda valyutani olayotgan paytda Milliy xavfsizlik xizmati Sirdaryo viloyati boshqarmasi xodimlari tomonidan qo‘lga olindi.
“Husanov fuqaro A.Adan 2 ming dollar olayotgan paytda qo‘lga olindi. U bu pullar evaziga ayolning akasiga nisbatan yuritilayotgan jinoyat ishini Jinoyat kodeksining boshqa moddasiga qayta kvalifikatsiya qilinishiga yordam bermoqchi bo‘lgan”, — dedi MXX xodimi Sputnik muxbiriga.
Sirdaryo viloyati prokuraturasida Husanovga nisbatan Jinoyat kodeksining qator moddalari bo‘yicha jinoyat ishi ko‘zg‘atilgan, tergov ishlari olib borilmoqda.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
