Xakerlar Walt Disneyning yangi filmini o‘g‘irlab, tovon puli talab qilmoqda

© Sputnik / Ramil Sitdikov / Mediabankka o‘tishXakeri iz Fancy Bears
Xakeri iz Fancy Bears - Sputnik O‘zbekiston
Obuna bo‘lish
Noma’lum xakerlar Walt Disneyning yaqinda ekranlarga chiqishi kerak bo‘lgan filmini o‘g‘irlab, tovon puli to‘lanmasa, internet orqali bepul tarqatish bilan qo‘rqitmoqda.

TOShKENT, 16-may — Sputnik. Hollywood Reporter nashri xabar berishiga ko‘ra, noma’lum xakerlar guruhi Walt Disney kompaniyasining yaqinda ekranlarga  chiqishi kerak bo‘lgan filmini o‘g‘irlab, uni internetda bepul tarqatish bilan po‘pisa qilishmoqda.

Yulg‘ich-virus Yevropa va Osiyo kompyuterlariga hujum qilmoqda

Walt Disney prezidenti Robert Ayger aytishiga qaraganda, xakerlar kompaniyadan tovon puli sifatida ko‘p miqdorda bitkoin* so‘ramoqda. Aksincha, ular yangi filmning avval 5 minutlik, keyin 20 minutlik bo‘laklarini birma-bir ineternetga chiqarish bilan po‘pisa qilishmoqda.

"Deadline" portali xabariga ko‘ra, gap "Qarib dengizi qaroqchilari" filmining yangi seriyasi haqida ketmoqda. Filmning jahon premyerasi 26-may kuni bo‘lib o‘tishi kerak edi. 

Ma’lum bo‘lishicha, kompaniya tovon puli to‘lashdan voz kechib, ushbu ish yuzasidan federal tergovchilarni jalb qilgan.

*Bitkoin — valyutaning yangicha ko‘rinishi bo‘lib, hech bir mamlakat, shaxs yoki tuzilma uni nazorat qilmaydi. Bitkoin faqat internetda mavjud bo‘lib, uning egasi haqidagi ma’lumotni hech kim bilmaydi. Bugungi bitkoin kursi 1BTC = 94254rubl.

Yangiliklar lentasi
0