O‘zbekistonda davlat siyosatiga to‘sqinlik qilgan bank xodimi qo‘lga olindi

© AP Photo / Mikhail MetzelIIB xodimlari
IIB xodimlari - Sputnik O‘zbekiston
Obuna bo‘lish
O‘zbekiston prezidenti Shavkat Mirziyoyev Oliy Majlis palatalarining qo‘shma majlisida so‘zlagan nutqida bundan keyin tadbirkorlikni rivojlantirishga to‘sqinlik qilish - davlat siyosatiga to‘sqinlik qilish, deb baholanishini alohida ta’kidlagan edi

TOShKENT, 16-may — Sputnik. Bugun O‘zbekistonda tadbirkorlarga keng imkoniyatlar yaratib berilmoqda. Xususan, aholini tadbirkorlikka keng jalb qilish, bu boradagi muammolarni bartaraf etish, tadbirkorlik bilan shug‘ullanishni istagan fuqarolarni bank kreditlari bilan samarali ta’minlashga jiddiy e’tibor qaratilyapti.

Afsuski, o‘zining noqonuniy xatti-harakati bilan tadbirkorlik faoliyati rivojiga to‘siq bo‘layotgan, o‘z manfaatini xalq manfaatidan ustun qo‘yayotgan rahbar xodimlar ham uchrab turibdi, deb xabar qildi O‘zbekiston IIV matbuot-xizmati.

Podpis dokumentov - Sputnik O‘zbekiston
Yangi farmon: tadbirkorlarni shaxsan prezidentning vakili himoya qiladi
Xabarga ko‘ra, Samarqand  viloyati  IIBga  yakka  tartibda  faoliyat  yuritayotgan  tadbirkorlardan biri ariza bilan murojaat etdi. Ma’lum  bo‘lishicha,  sakkiz  kishini  ish bilan ta’minlagan tadbirkor faoliyatini yanada kengaytirish maqsadida viloyat aksiyadorlik tijorat banki "Agrobank"ning Kattaqo‘rg‘on shahar filialiga joriy yilning 6, 13-fevral va 27-aprel kunlari o‘zi, onasi hamda turmush o‘rtog‘i nomiga chorva mollari xarid qilish uchun kredit olishga ariza beradi. Biroq bank filiali rahbari Ixtiyor Begmatov kredit ajratilishini  paysalga  soladi.  Barcha zarur hujjatlar taqdim etilganiga qaramasdan, arizalarni qabul qilishni ortga suraveradi.

Nihoyat, tadbirkor 27-aprel kuni yana I. Begmatovning huzuriga keladi. Nafs quliga aylangan bank rahbari bu safar unga kredit ajratish uchun bankning viloyat boshqarmasi mansabdor shaxslarini "rozi qilishi" lozimligini aytadi. Buning uchun 300 AQSh dollari berishni talab qiladi.

"Buni qarangki, vijdoni jig‘ildonga aylangan I. Begmatovning bu jinoiy xatti-harakati birinchisi emas ekan. Aniqrog‘i, unga nisbatan  oylik  maoshidan  qisman  olib qolish sharti bilan joriy yilning fevral oyidan boshlab ikki yilgacha rahbarlik lavozimlarida faoliyat ko‘rsatmasligi to‘g‘risida  sud  hukmi  chiqarilgan.  Ammo  viloyat aksiyadorlik tijorat banki «Agrobank»ning mansabdor shaxslari I. Begmatovni rahbarlik lavozimidan ozod etmasdan, u bankning Kattaqo‘rg‘on shahar filiali boshlig‘i lavozimida  o‘z  faoliyatini  davom  ettirishiga imkon yaratib berishgan", — deyiladi xabarda.

"O‘rgangan  ko‘ngil  o‘rtansa  qo‘ymas" deganlaridek, I. Begmatov yana takroran jinoyatga  qo‘l  urdi.  Joriy  yilning  27-aprel  kuni  o‘tkazilgan  tezkor  tadbir chog‘ida esa 300 AQSh dollari miqdoridagi pulni pora sifatida olayotgan vaqtda qo‘lga olindi.

Hozirgi  paytda  mazkur  jinoyat ishi  yuzasidan  tergov  harakatlari  olib borilyapti.

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.

Yangiliklar lentasi
0