TOShKENT, 13 sen — Sputnik. Turkmanboshi portida teraktning oldin olindi. Shahardan Bokuga yo‘l olgan paromni portlatmoqchi bo‘lishdi, deb xabar qildi Sputnik Ozarbayjon "Xronika Turkmenistana" nashriga tayangan holda.
Yovuz niyatli shaxslar — Turkmanistonlik aka-ukalar ekanligi aniqlangan. Ularning ismi oshkor qilinmayapti.
Xabarga ko‘ra, erkaklar Turkmanboshi va Baku shaharlari o‘rtasida muntazam qatnaydigan yo‘lovchilarni va yuk tashuvchi "Baxtiyor" paromi bortiga portlovchi moddalarni olib o‘tishga urinishgan.
Aka-ukalar chiptalarni har xil joyga olishgan va portlovchi moddalarni alohida-alohida olib o‘tishni rejalashtirishgan. Bombani esa paromning o‘zida yig‘ishni mo‘ljallaganlar. Portlash Turkmaniston hududiga kiraverishda yuz berishi kerak bo‘lgan.
O‘sha kuni paromda 170ga yaqin yo‘lovchilar, shuningdek Turkiya kompaniyalariga qarashli ekipajli yuk mashinalari bo‘lgan.
Nashr ma’lumotiga ko‘ra, maxsus xizmatlar teraktga hozirlik ko‘rilayotgani haqida oldindan xabardor bo‘lishgan.
