Vladimir fojiasidagi avtobus yo‘lovchi tashishga yaroqli bo‘lmagan - prokuratura

© Sputnik / Ruslan Krivobok / Mediabankka o‘tishProkuratura Rossii
Prokuratura Rossii - Sputnik O‘zbekiston
Obuna bo‘lish
Rossiya prokuraturasi Vladimir fojiasida ishtirok etgan avtobu yo‘lovchi tashishga yaroqli bo‘lmaganligi yuzasida jinoiy ish qo‘zg‘adi.

TOShKENT, 9 okt — Sputnik. Rossiya prokuraturasi 6-oktabr kuni Vladimir viloyatida poyezd bilan to‘qnashgan avtobus yo‘lovchi tashishga yaroqli bo‘lmaganligi yuzasida jinoiy  ish qo‘zg‘adi.

“Vladimir viloyatining Pokrov bekati yaqinidagi temiryo‘l pereyezdida yo‘lovchi avtobusi va 60-sonli “Sankt-Peterburg — Nijniy Novgorod poyezdi to‘qnashuvi sodir bo‘lgani aniqlandi. To‘qnashuvga "Mersedes-Bens" markali avtobusning temiryo‘l ustida buzilib qolganligi sabab bo‘lgan. Ushbu avtobus o‘zining texnik xarakteristikalariga ko‘ra yo‘lovchi tashishga yaroqli bo‘lmagani aniqlandi”, — deyilgan Rossiya Transport  prokuraturasi xabarida.

 

Shunindek, tekshiruv natijasida avtomobil transporti yordamida, xavfsizlik qodalariga amal qilmay, noqonuniy yo‘lovchi tashish yo‘lga qo‘yilganlik holati ham aniqlangan.

Eslatib o‘tamiz, 6-oktabr tong soat 03:39da Vladimir viloyatining Petushki tumani, Pokrov stansiyasi yaqinida yuz bergan to‘qnashuvda 17 kishi qurbon bo‘lgan edi. Ularning aksariyati O‘zbekiston fuqarolari bo‘lgan.

 

Yangiliklar lentasi
0