TOShKENT, 2 noya – Sputnik. Federal qidiruv burosi Nyu-Yorkdagi terrorchilik xurujidan so‘ng qidirilayotgan yana O‘zbekiston fuqarosi Qodirovni topganligini, u haqida ma’lumot yig‘ishda davom etishini ma’lum qildi, deb xabar berdi RIA Novosti.
"Muhammadzoir Qodirovni topdik, u haqidagi har qanday ma’lumotni yig‘ishda davom etamiz", — deyiladi FQB Nyu-York bo‘limining Twitterdagi xabarida.
Chorshanba kuni FQB direktori yordamchisi Bil Svini qidiruvda bo‘lgan Qodirovni qidirish ishlari to‘xtatilganini ma’lum qilgandi. Keyinroq u savollarga javob berarkan, Qodirovning topilganini bildirdi.
OAV ma’lumotlariga qaraganda, Qodirov terrorchilikda ayblanayotgan Sayfullo Soipovning kam sonli do‘stlaridan biri.
Seshanba kuni Nyu-York markazida, Manxettenda, kichik yuk avtomobili (pikap) velosipedchilar yo‘lagidan bir necha kilometr bosib o‘tgan va maktab avtobusiga borib urilgan. Oqibatda 8 kishi qurbon bo‘lgan va 10dan ortiq kishi jarohatlangan. Nyu-York meri Bill De Blazio ushbu voqeani terakt deb atadi.
AQSh OAVlari xabariga ko‘ra, mazkur teraktni sodir etishda gumonlanib qo‘lga olingan shaxs 29 yoshli O‘zbekiston fuqarosi Sayfullo Soipov bo‘lib chiqqan. U AQShga 2010-yilda grin karta orqali kelgan.
