TOShKENT, 6 noya — Sputnik. "O‘zbekiston Respublikasi Prezidenti Shavkat Mirziyoyev Amerika qo‘shma shtatlarining Sazerlend Springs shahridagi "Birinchi Baptist Cherkovida" yuz bergan otishma oqibatida ko‘plab insonlar qurbon bo‘lgani munosabati bilan ushbu mamlakat Prezidenti Donald Trampga ta’ziya izhor etdi.
O‘zbekiston rahbari qurbon bo‘lganlarning oila a’zolari va yaqinlariga chin dildan hamdardlik izhor etdi hamda barcha jarohat olganlarga tez fursatda sog‘ayib ketishlarini tiladi, deb xabar qiladi O‘zbekiston TIV matbuot-xizmati.
Eslatib o‘tamiz, AQShning Texas shtati Sazerlend-Springz shahrida yakshanba ibodati uchun cherkovga kelgan odamlar avtomatdan o‘qqa tutildi. Fojea oqibatida 27 kishi qurbon bo‘ldi, 24 kishi yaralandi, ulardan 8 kishi og‘ir ahvolda.
Jinoyatchi politsiya bilan bo‘lgan otishmada u yo‘q qilingan.
ABS telekanali xabariga ko‘ra, ushbu jinoyat Texasning Nyu Braunfels shahridan bo‘lgan 26 yoshli Devin Kelli (Devin Kelley) ismli sobiq askar tomonidan sodir etilgan. Ta’kidlanishicha, u AQSh Harbiy-havo kuchlarida xizmat qilgan va 2014-yilda sodir etgan qoidabuzarliklari uchun tribunalga tortilib iste’foga chiqarilgan.
