TOShKENT, 9 yanv – Sputnik. Suriyada “Xmeymim” aviabazasiga uyushtirilgan dronlarning ommaviy hujumi to‘xtatib qolindi, deb xabar qilmoqda Rossiya Mudofaa vazirligi.
Harbiy bazaning xavfsizlik xizmati hamda Tartus portida joylashgan Rossiya harbiy-dengiz flotining texnik xizmat ko‘rsatish kuchlari 5-6 yanvar tunida dronlarning Rossiya aviabazasiga uyushtirilgan ommaviy hujumini to‘xtatib qolishga muvaffaq bo‘ldi.
Tun qorong‘usida Rossiya havo mudofaasi kuchlari uzoq masofadan Rossiya harbiy obyektlariga yaqinlashib kelayotgan 13ta noma’lum kichik jismlarni payqashgan. Noma’lum jismlarda 10tasi “Xmeymim” aviabazasiga yana 3tasi Tartusdagi moddiy-texnik bazasiga yaqinlashib kelayotgani aniqlangan.
Rossiya harbiy kuchlarining radioelektron kurash bo‘linmalari ushbu uchuvchisiz apparatlarning 6tasini o‘z boshqaruvi ostiga olishga muvaffaq bo‘lishgan. Ulardan uchtasini aviazaba tashqarisida qo‘ndirilgan, yana uchtasi qo‘ndirish vaqti portlab ketgan.
Rossiya Mudofaa vazirligi o‘zining “VKontakte” ijitmoiy tarmog‘ida qo‘lga olingan apparatlarning fotosuratlarini chop etdi.
Ularning ularning uchirilgan joyi allaqachon aniqlangan, bu bazadan 50 km masofada bo‘lgan hudud.
Dastlabki xulosalarga ko‘ra, terrorchilar tomonidan qo‘llanilgan muhandislik yechimlari, navigatsiyasi va masofadan turib boshqarish uslubi, bomba tashlash mexanizmi va boshqalar – yuqori texnik rivojlanish darajasiga ega bo‘lgan, faqat bir necha mamlakatga xosdir.
Eslatib o‘tamiz, bu oxirgi bir necha kun ichida terrorchilar tomonidan Rossiya harbiy bazasiga uyushtirilgan ikkinchi hujumidir. Yangi yil oqshomi "Xmeymim" minmotdan o‘qqa tutilgan va ikki nafar askar qurbon bo‘lgan edi.
