13:54 24 May 2019
Efir
  • RUB131.06
  • EUR9439.00
  • USD8460.92
ruki naruchniki

Boʻkada yetti niqobli bosqinchi bir oilaning pullari va mashinasini olib ketdi

© Sputnik / Yevgeniy Biyatov
Hodisalar
Havola olish
525 0 0

Yetti nafar bosqinchi yuziga niqob taqib olgan holda SH.Mning uyiga bostirib kirgan

TOSHKENT, 14 may — Sputnik. Toshkent viloyatining Boʻka tumanida nomaʼlum shaxslar yuzlariga niqob kiygan holda SH.M.ning uyiga bostirib kirdi, deb xabar qildi IIV Jamoatchilik va ommaviy axborot vositalari bilan aloqalar boshqarmasi matbuot-xizmati.

Xabarga koʻra, bosqinchilar SH.Mning turmush oʻrtogʻi — J.M.ni pichoq bilan qoʻrqitib, yuziga qoʻllari bilan urib jarohat yetkazganlar. Soʻngra uyidagi bor pullari hamda kuzatuv kamerasi xotirasini olishgan va hovlidagi SH.M.ga tegishli "Neksiya" rusumli avtomashinasiga oʻtirib, voqea joyidan yashiringanlar.

Olib borilgan qidiruv ishlari natijasida avtomashina Boʻka tumani Hoʻjaqoʻrgʻon mahallasidan topilgan.

Shuningdek koʻrilgan choralar natijasida ushbu jinoyatni Yangiyoʻl tumanida yashovchilar — B.M., B.Q., A.A., M.J., D.A., A.K. va H.X.lar sodir etganliklari aniqlangan. Bosqinchilar qoʻlga olingan.

 

Asosiy mavzular