TOShKENT, 10-iyul — Sputnik. Tailandda g‘or ichida qolib ketgan barcha bolalar va ularning ustozi qutqarildi, deb xabar qilmoqda RIA Novosti.
"O‘n ikkinchi bolakay va ularning ustozi g‘ordan chiqib dala gospitaliga yo‘l olishdi", — deyilgan xabarda.
G‘ordan qutqarilgan barcha bolalar vertolotda Chiangray shahar kasalxonasiga olib kelinmoqda. Ularga hozircha yaqinlari bilan uchrashishga ruxsat berilgani yo‘q. Bolalar ma’lum vaqt shifokor kuzatuvida bo‘lishi xabar qilingan.
Eslatib o‘tamiz, 23-iyun kuni mahalliy futbol maktabining 12 nafar tarbiyalanuvchisi va ularning ustozi Txam-Luang nomli g‘orga kirishadi. Shundan so‘ng kutilmaganda kuchli yomg‘ir boshlanadi va g‘orning kirish qismi suv ostida qolib ketadi.
Bolalar turgan joy ular yo‘qolib qolganidan bir hafta o‘tib aniqlanadi va qutqaruv operatsiyasi boshlanadi. Qorning suv ostida qolgan kirish qismi noqulay va tor bo‘lgani tufayli bolalarni qutqarish operatsiyasi o‘ta murakkab kechadi.
G‘avvoslar g‘orning 7km chuqurliga kirib bolalarni birma-bir olib chiqa boshlaydi. Qutqaruv operatsiyasi davomida bir nafar qutqaruvchi havo yetmay qolishi tufayli vafot etadi.
