01:39 19 Yanvar 2020
Efir
  • RUB156.59
  • EUR10620.45
  • USD9550.76
Hodisalar
Havola olish
197120

Huquqbuzarlarga nisbatan Oʻzbekiston MJtKning 183-moddasi bilan maʼmuriy bayonnoma tuzilib, toʻplangan hujjatlar Maʼmuriy ishlar boʻyicha Kattaqoʻrgʻon shahar sudiga yuborilgan.

TOSHKENT, 20 noya – Sputnik. Samarqandda avval raqs tushib, soʻng mashina kapotida oʻtirgan qizlar va ushbu videoda tasvirga tushgan barcha shaxslar aniqlandi, deb xabar qildi Sputnik muxbiri Samarqand viloyati ichki ishlar boshqarmasi maʼlumotiga asoslangan holda.

Xabarda aytilishicha, 2018 yil 20 noyabr kuni internetda tarqalgan videoda yoshi taxminan 20-25 yoshlar atrofida boʻlgan, 2 nafar qizlar koʻchada jamiyatda yurish turish qoidalarini qasddan mensimasdan, behayolarcha yoʻl chetida oʻynab, nomaʼlum avtomashinaning old kapotiga yotib olib, harakatlanib ketayotganligi holati tasvirlangan.

Mazkur holat yuzasidan Kattaqoʻrgʻon shaxar IIB xodimlari tomonidan olib borilgan tezkor tekshiruv ishlari natijasida 2018 yil 13 noyabr kuni soat 16:00larda Kattaqoʻrgʻon shahri A.Temur koʻchasida yurish turish qoidalarini qasddan behayolarcha mensimasdan oʻynayotgan, sochlari kalta sargʻish rangli qiz Kattaqoʻrgʻon tumani Payshanba shaharchasida yashovchi D.CH, u bilan raqsga tushgan qiz Kattaqoʻrgʻon shahrida yashovchi U.F ekanligi, avtomashina boshqaruvida Kattaqoʻrgʻon shahrida yashovchi R.S. otasi R.N.ga tegishli Neksiya-1 rusumli avtomashinani xech bir xujjatlarsiz boshqarganligi, mazkur holatlarni ular bilan birga boʻlgan Kattaqoʻrgʻon shahrida yashovchi M.N. qoʻl telefonida tasvirga olganligi va ijtimoiy tarmoqlarga tarqatib yuborganligi aniqlangan.

Tergovga qadar tekshiruv harakatlari natijasiga koʻra, R.S otasi R.N.ga tegishli Neksiya rusumli avtomashinani xujjatlarsiz boshqarganligi sababli, unga nisbatan MJtKning 135–moddasi 2-qismi va 138-moddasi 4-qismi bilan hamda R.N.ga nisbatan MJtKning 135–moddasi 2-qismi bilan, hamda fuqarolar D.CH., U.F., R.S. va M.N. larga nisbatan MJtKning 183-moddasi bilan maʼmuriy bayonnoma tuzilib, toʻplangan hujjatlar Maʼmuriy ishlar boʻyicha Kattaqoʻrgʻon shahar sudiga yuborilgan.

Ularga eng kam ish haqining uch baravaridan besh baravarigacha miqdorda jarima solishga yoki oʻn besh sutkagacha muddatga maʼmuriy qamoqqa olishga sabab boʻlishi mumkin.

Sputnik muxbiri ushbu holat yuzasidan Samarqand viloyati ichki ishlar boshqarmasi xodimlari bilan bogʻlandi.

“Hozirgi vaqtda ushbu holat boʻyicha barcha huquqbuzarlarning shaxsi aniqlanib, maʼmuriy huquqbuzarlik toʻgʻrisida bayonnomalar tuzildi. Shuningdek, mazkur holat “Majidiy” nomli kinoteatrda muhokama qilinyapti, yigʻilishda Xotin-qizlar qoʻmitasi viloyat vakillari ham ishtirok etmoqda”, - deb taʼkidlashdi Samarqand viloyati ichki ishlar boshqarmasida.

Asosiy mavzular