04:12 22 Avgust 2019
Efir
  • RUB138.47
  • EUR10092.14
  • USD9061.00
Dollarы SSHA

Surxondaryoda “Lasetti” ishini “bosdi-bosdi” qilish uchun pora bergan fuqaro qoʻlga olindi

© Flickr/ nick farnhill
Hodisalar
Havola olish
503 0 0

Surxondaryoda qonunbuzar “Lasetti” yonib ketganiga ishontirish uchun bojxonachilarga pora taklif qildi.

TOSHKENT, 12 fev – Sputnik. Surxondaryoda qonunbuzar “Lasetti” yonib ketganiga ishontirish uchun bojxonachilarga pora taklif qildi. Bu haqda Davlat bojxona qoʻmitasi matbuot xizmati xabar qildi.

“Fuqaro J.F. respublikamizga xorijiy avtotransport vositasi hisoblangan “Lasetti” avtomashinasini olib kirar ekan, bu jarayonda mamlakatimiz hududidan qayta olib chiqib ketish majburiyatini zimmasiga oladi. Lekin, bu majburiyatni bir zumda unutib, ushbu avtomashinani ehtiyot qismlarga boʻlaklagan holda 1700 AQSH dollariga sotib yuboradi”, - deyilgan xabarda.

Xabarda aytilishicha, bundan bir necha yillar muqaddam yonib ketgan boshqa bir “Lasetti” kuzovini koʻrsatgan holda davlat bojxona xizmati organlari xodimlarini ushbu avtomashinaning goʻyoki yongʻin oqibatida butunlay yonib ketganiga ishontirishga urinadi.

“Tabiiyki, sinchkovlik bilan oʻtkazilgan tekshirishda uning sodir etgan huquqbuzarligi fosh boʻlgach, ushbu shaxs vaziyatdan chiqishning boshqa yoʻllarini izlashga tushadi. Yaʼni, ushbu holatni “bosdi-bosdi” qilish uchun bojxona xodimiga 400 AQSH dollari pora taklif qiladi”, - deyilgan bojxona qoʻmitasi xabarida

Mazkur holat yuzasidan oʻtkazilgan tezkor tadbir davomida ushbu shaxs bojxona xodimiga taklif qilingan poraning 300 dollarni berayotgan vaqtida Surxondaryo viloyati bojxona boshqarmasi tezkor xodimlari hamda Oʻzbekiston Bosh prokuraturasi huzuridagi Iqtisodiy jinoyatlarga qarshi kurashish departamenti Surxondaryo viloyati boshqarmasi xodimlari bilan hamkorlikda voqea joyida ashyoviy dalillar bilan qoʻlga olindi.

Hozirda mazkur holat yuzasidan jinoyat ishi qoʻzgʻatilib, tergov harakatlari olib borilmoqda.

Asosiy mavzular