09:59 05 Aprel 2020
Efir
  • RUB121.10
  • EUR10637.67
  • USD9554.22
Hodisalar
Havola olish
4183 0 0

Avtomashina oʻrta va orqa oʻrindiqlarida fermer xoʻjaligi ishchisi, uning turmush oʻrtogʻi va 3 nafar oʻgʻillarining murdalari qotillik alomatlari bilan topilgan.

TOSHKENT, 16 may – Sputnik. Samarqand viloyati Qoʻshrabot tumanida  bir oilaning 5 nafar aʼzosi oʻldirilib, ularning jasadi mashina ichiga tashlab ketilgan. Bu haqda Bosh prokuratura matbuot xizmati xabar berdi.

Xabarda qayd etilishicha,  15.05.2019 yil soat 13:00 larda Qoʻshrabot tumani “Doʻstlik” mahallasi hududida joylashgan fermer xoʻjaligi yer maydonidan “Damas” rusumli avtomashina oʻrta va orqa oʻrindiqlarida Ishtixon tumani Chimqoʻrgʻon qishlogʻida yashagan, fermer xoʻjaligi ishchisi, uning turmush oʻrtogʻi, uy bekasi va 3 nafar oʻgʻillari larning murdalari, har birining bosh va yuz sohalarida ogʻir tan jarohatlari, yaʼni qotillik alomatlari bilan topilgan.

Voqea joyiga zudlik bilan Bosh prokurorning birinchi oʻrinbosari, Bosh prokuratura Oʻta ogʻir jinoyatlarni tergov qilish boshqarmasi boshligʻi, viloyat prokurori, viloyat ichki ishlar boshqarmasi boshligʻi hamda tezkor-tergov guruhi aʼzolari chiqqan.

Mazkur holat yuzasidan shu kunning oʻzida Ishtixon tuman prokuraturasi tomonidan Oʻzbekiston Jinoyat kodeksining 97-moddasi 2-qismi "a" bandi bilan jinoyat ishi qoʻzgʻatilgan.

Hozirda mazkur mudhish jinoyatni fosh etish uchun barcha zaruriy tezkor-qidiruv va tergov harakatlari tun-u kun amalga oshirilmoqda.

Tergovning borishi ustidan Bosh prokurorning alohida nazorati oʻrnatildi.

Asosiy mavzular