21:50 19 Sentyabr 2019
Efir
  • RUB146.51
  • EUR10421.13
  • USD9411.30
Karta Master Card

Kalugada tovlamachi qiz ikki oʻzbekistonlikni aldadi

Sputnik / Aleksey Suxorukov
Hodisalar
Havola olish
576 0 0

Rossiyada 21 yoshli tovlamachi qiz ikki Oʻzbekiston fuqarosini aldab pulini oʻgʻirlab ketdi.

TOSHKENT, 9 iyun – Sputnik. Ikki nafar Oʻzbekiston fuqarosi tovlamachilik qurboniga aylandi deb xabar qilmoqda Kaluga viloyati IIB matbuot xizmati.

Jinoyatchi telefon orqali oʻzini bank xodimi deb tanishtirib, mehnat migrantlariga arzon kredit taklif qilgan. Guyoki buning uchun ular oʻz bank kartalariga qoʻshimcha xizmatlarni ulashi kerak boʻlgan. Ushbuni roʻkach qilgan holda tovlamachi ularning pasport raqamlari va bank rekvizitlarini bilib olgan.

Shundan soʻng jinoyatchi ularning hisob raqamidagi mablagʻlarni oʻz hisobiga oʻtkazgan. Shu yoʻl bilan tovlamachi ikki nafar fuqarodan jami 17 ming rubl oʻgʻirlagan.

Huquqni saqlash organlari tovlamachining shaxsini aniqlab uni hibsga olgan. U Rostov viloyatida yashaydigan 21 yoshli qiz boʻlib chiqqan. Unga nisbatan 2ta jinoyat ishi ochilgan. Ayni damda tergov  davom etmoqda.

Asosiy mavzular