21:40 11 Dekabr 2019
Efir
  • RUB149.88
  • EUR10545.67
  • USD9537.55
Draka

Toshkent IIBB internetda keng tarqalgan “Qoʻyliq” bozoridagi “samosud”ga izoh berdi

Sputnik / Tabыldы Kadыrbekov
Hodisalar
Havola olish
508 0 0

Ijtimoiy tarmoqlarda va ayrim Telegram kanallarda bir necha kishi oʻgʻrilikda gumonlanayotgan shaxslarni “samosud” qilayotgani tasvirlangan video tarqaldi. Hozirda “samosud” uyushtirgan shaxslarga nisbatan jinoiy ish ochilgan.

TOSHKENT, 3 iyul – Sputnik. Toshkent IIBB internetda tarqalgan “Qoʻyliq” bozoridagi “samosud” videosiga izoh berdi.

Avvalroq “Qoʻyliq” bozorida bir necha fuqarolar tomonidan ikki erkakning kaltaklanishi aks etgan video ijtimoiy tarmoqlarda tarqalgan edi. Ushbu holat boʻyicha Bektemir tumani IIO FMB xodimlari tomonidan tekshiruv oʻtkazildi.

Aniqlanishicha, hodisa 2 iyul kuni taxminan soat 16:30larda sodir boʻlgan. Yuqorida koʻrsatilgan bozor sotuvchilari - 30 yoshli S.SH. va 31 yoshli A.T. Qashqadaryo viloyatida yashovchi 35 yoshli J.E.ning Cobalt rusumli avtomobilini ikki nafar nomaʼlum shaxs ochayotganini payqab qolishgan.

Shundan soʻng S.SH., A.T. va ushbu bozorning yana bir sotuvchisi SH.SH. ushbu hodisa haqida ichki ishlar organlariga xabar bermasdan, jinoyatda qoʻlga tushgan, muqaddam sudlangan Fargʻona viloyatidan boʻlgan 40 yoshli S.T. va 39 yoshli A.K.ga hujum qilib, tan jarohati yetkazishgan.

Ushbu holat yuzasidan S., A. va SH.ga nisbatan Oʻzbekiston Respublikasi Jinoyat kodeksining 277-moddasi 2-qismi (“Bezorilik”) boʻyicha jinoiy ish qoʻzgʻatilgan. S.T. va A.K. tomonidan avtomobildan pul oʻgʻirlashga urinish holati boʻyicha Jinoyat kodeksining 25-moddasi (Jinoyatga tayyorgarlik koʻrish va jinoyat sodir etishga suiqasd qilish) va 169-moddasi 2-qismi (“Oʻgʻirlik”) boʻyicha jinoiy ish ochilgan.

Hozirda dastlabki tergov harakatlari olib borilmoqda.

Asosiy mavzular