22:10 11 Dekabr 2019
Efir
  • RUB149.88
  • EUR10545.67
  • USD9537.55
Inspektor Gai ostanovil dlya proverki avtomobil

Jizzaxda YXHB inspektorini kaltaklagan fuqaro qoʻlga olindi

Sputnik
Hodisalar
Havola olish
258 0 0

Fuqaro YXHB xodimining pogonini yulib olib, uni urib, boʻyin sohasi va chap yelka sohasiga tan jarohati yetkazgan.

TOSHKENT, 10 iyul – Sputnik. Bosh prokuratura matbuot xizmati Jizzaxda YXHB inspektoriga tan jarohat yetkazgan fuqaro qoʻlga olingani haqida xabar qildi.

Xabarda aytilishicha, joriy yilning 7 iyul kuni soat 18:30 larda Jizzax viloyati IIB YXHB inspektori O.Q. Jizzax shahar, “Eski shahar dehqon bozori” hududida xizmat vazifasini bajarib, “Lacetti” rusumli avtomashina haydovchisiga maʼmuriy bayonnoma rasmiylashtirayotgan vaqtda, shu yerdan oʻtib borayotgan fuqaro S.N. (1988 y.t.) mast holatda, IIB YXHB xodimlarini oldiga kelib, ularni turli soʻzlar bilan haqorat qilgan.

IIB YXHB xodimlari uni tinchlantirmoqchi boʻlganida, ularga qarshilik koʻrsatib, O.Q.ning pogonini yulib olib, uni urib, boʻyin sohasi va chap yelka sohasiga tan jarohati yetkazgan.

Mazkur holat yuzasidan Jizzax shahar prokuraturasi tomonidan S.N.ga nisbatan Jinoyat kodeksining 219-moddasi 2-qismi (hokimiyat vakiliga yoki fuqaroviy burchini bajarayotgan shaxsga qarshilik koʻrsatish) bilan jinoyat ishi qoʻzgʻatilib, tergov harakatlari olib borilmoqda.

S.N. tegishli protsessual tartibda ushlangan.

Asosiy mavzular