10:58 13 Dekabr 2019
Efir
  • RUB149.88
  • EUR10545.67
  • USD9537.55
Avtomobilnoye dvijeniye v Tashkente

Sirdaryoda agʻdarilgan avtobusni Spark haydovchisi siqqan – YTH tafsilotlari

© Sputnik / Ramiz Baxtiyarov
Hodisalar
Havola olish
433 0 0

Avtobusda 20 nafar yoʻlovchi boʻlgan, ulardan 2 nafarini voyaga yetmaganlar tashkil etgan.

TOSHKENT, 12 iyul - Sputnik. Oʻzbekiston IIV Sirdaryoda avtobus ishtirokida sodir boʻlgan YTH tafsilotlarini maʼlum qildi.

Xabarda qayd etilishicha, 2019 yil 11 iyul kuni “Guliston karvon trans servis” MCHJ haydovchisi 51 yoshli A.A. boshqaruvidagi Isuzu rusumli avtobusni Yangi Hayot MFY hududidan oʻtuvchi “Dushanbe-Toshkent” yoʻlida haydab ketayotgan vaqtida boshqaruvni eplay olmagan. Natijada yoʻl chetiga chiqib ketib, agʻdarilib ketgan.

Avtobusda 20 nafar yoʻlovchi boʻlgan, ulardan 15 nafari ayol, 3 nafari erkak kishi, 2 nafarini voyaga yetmaganlar tashkil etgan.

“Haydovchi avtobusni qizil rangli Spark rusumli avtomashinasi siqib ketganligi tufayli yoʻl transport hodisasi sodir boʻlganligini bildirgan”, - deyiladi IIV xabarida.

YTH oqibatida avtobusning ikki nafar ayol yoʻlovchilari jarohat olib kasalxonaga yotqizilganlar, shuningdek qolgan 18 nafar yoʻlovchilarga kasalxonada tibbiy yordam koʻrsatilib, uyiga javob berilgan.

Haydovchi A.A. jarohat olmagan. Holat yuzasidan dastlabki tergovoldi harakatlari olib borilmoqda.

Eslatib oʻtamiz, avvalroq Sirdaryoda yoʻlovchilari boʻlgan avtobus agʻdarilib ketgani xabar qilingan edi.

Asosiy mavzular