06:41 27 Yanvar 2021
Efir
  • RUB139.72
  • EUR12798.46
  • USD10518.99
Hodisalar
Havola olish
425 0 0

Fuqaro olib qochilgan avtoulovda kirakashlik qilishga ham ulgurgan.

TOSHKENT, 18 iyul — Sputnik. Buxoroda oʻzini avtomashinalarni yuvish shoxobchasi ishchisi sifatida tanishtirgan va Business Pride MCHJga tegishli boʻlgan Ravon Nexia 3 avtomobilni olib qochgan shaxs qoʻlga olindi, deb xabar qilmoqda Sputnik Oʻzbekiston muxbiri.

Huquqni muhofaza qiluvchi organ xodimlari qisqa muddati ichida jinoyatchini qoʻlga olishga muvaffaq boʻlishgan. Jinoyatchi Qorovulbozor shahrida qoʻlga tushgan.

Buxoro viloyati Ichki ishlar boshqarmasining Sputnik᾽ka maʼlum qilishicha, ushbu jinoyatni Namangan viloyatidan boʻlgan 20 yoshli fuqaro sodir etgani aniqlangan. U 15 iyul kuni mashinani aldov yoʻli bilan olib qochgan.

Hodisa soat 05:54 sodir boʻlgan. Haydovchi avtomashinasini yuvdirish maqsadida shaharda joylashgan avtomobillarni yuvish shoxobchasiga olib kelgan. Eshiklari qulf boʻlganligi sababli, shoxobcha oldida turgan va oʻzini shu yerda ishlovchi sifatida tanishtirgan noʼmalum shaxsga yuvib, tozalab qoʻyishi uchun avtomashinasining kalitini qoldirib ketgan.

Telegram-kanal UVD Buxarskoy oblasti
V Buxare mujchina ugnal mashinu, predstavivshis sotrudnikom avtomoyki

Haydovchi soat 08:00larda avtomashinasini olib ketish maqsadida  kelgan. Biroq avtomashinasi boʻlmaganligi sababli ishchilaridan avtomoshinasini qoldirgan shaxsni soʻragan, ular esa uning mashinasini koʻrmaganligini va bu yerda bunday fuqaro ishlamasligini aytganlaridan soʻng IIBga mashinasi olib qochib ketilgani haqida xabar qilgan.

16 iyul kuni Buxoro viloyati IIB nomaʼlum shaxs avtomobillarni yuvish shoxobchasidan avtomashinani olib qochgani, kuzatuv kameralarida tasvirga tushib qolgan gumonlanuvchi shaxsni hamda avtomashinani koʻrganlardan IIBga murojaat qilishlarini soʻragan.

Telegram-kanal UVD Buxarskoy oblasti
V Buxare mujchina ugnal mashinu, predstavivshis sotrudnikom avtomoyki

Xuddi oʻsha kuni mashinani olib qochgan shaxs ushlangan. Viloyat IIB xabariga koʻra, avtoulovga ega boʻlgan yigit kirakashlik qilishga qaror qiladi. Yoʻlda uni toʻxtatgan mijoz Qorovulbozorgacha eltib qoʻyishni soʻraydi. Shunday qilib, u oʻsha yerda huquqni muhofaza qiluvchi organ xodimlari tomonidan qoʻlga olinadi.

“Maʼlum boʻlishicha, yigit oyparastlik xastaligidan aziyat chekadi va xatti-harakatlarining sabablarini tushuntirib bera olmaydi”, - deya xabar qildi viloyat IIB.

Shunga qaramasdan, hozirda mazkur holat yuzasidan ushbu shaxsga nisbatan Oʻzbekiston JKning 267-moddasi 1-qismi bilan qoʻzgʻatilgan va jinoyat ishi boʻyicha dastlabki tergov harakatlari olib borilmoqda.

IIBning maʼlum qilishicha, mazkur jinoyat – Buxoro uchun kamdan-kam uchraydigan holat. Soʻnggi olti oy ichida shunga oʻxshash atiga ikkita holat qayd etilgan.

Asosiy mavzular