TOShKENT, 19-iyul — Sputnik. Sirdaryo viloyatida yirik YTH sodir bo‘ldi.
IIV xabariga ko‘ra, Xovos tumanida 18-iyul kuni Toshkent shahar Yunusobod tumanida yashagan 39 yoshli D.R. boshqaruvidagi Spark rusumli avtomashinasini “Zomin-Toshkent” yo‘lining 122-km.da haydab ketayotib, boshqaruvni eplay olmay, yo‘lning chetiga ag‘darilib ketgan.
“Natijada haydovchi D.R. jarohat olib voqea joyida va uning yo‘lovchisi Toshkent shahar Uchtepa tumanida yashagan 57 yoshli T.V. kasalxonada vafot etganlar hamda yana 2 nafar yo‘lovchilari jarohat olib kasalxonaga yotqizilganlar”, - deyiladi xabarda.
Holat yuzasidan jinoyat ishi qo‘zg‘atilib, tergov harakatlari olib borilmoqda.
Eslatib o‘tamiz, avvalroq Toshkentda Lacetti haydovchisi uxlab qolib, ko‘cha yoritgichi ustuniga borib urilishi natijasida hayotdan ko‘z yumgani haqida xabar qilgan edik.
