TOShKENT, 20 avg – Sputnik. Nyu-Yorkda politsiya xizmatchisi bo‘lgan asli buxorolik 24 yoshli Sadoqat Maqsudova o‘g‘irlikda gumon qilinmoqda, deb xabar qildi Nyu York Post nashri.
Maqsudova to‘rt buyumdan iborat 300 dollarlik kiyim-kechakning pulini to‘lamasdan magazindan chiqib ketayotgan vaqtida xavfsizlik xizmati tomonidan to‘xtatib qolingan, deyilgan xabarda.
Voqea 15-avgust kuni Staten Island savdo majmuasi ichida joylashgan JC Penney qimmatbaho kiyimlar do‘konida sodir bo‘lgan.
Xabarda aytilishiga ko‘ra, Maqsudova mayda o‘g‘irlikda ayblanib, xizmatidan vaqtincha chetlatilgan.
Sadoqat Maqsudova 2018-yilning iyul oyida politsiya safiga ishga kirgan edi. U AQShga oilasi bilan 2009 yilda ko‘chib borgan.
