16:02 21 Sentyabr 2019
Efir
  • RUB146.51
  • EUR10421.13
  • USD9411.30
Ruki  v naruchnikax

Samarqandda bir oilaning 5 nafar aʼzosini vahshiylarcha oʻldirganlarga hukm chiqarildi

© Sputnik / Yevgeniy Biyatov
Hodisalar
Havola olish
312 0 0

Samarqandda bir oilaning 5 nafar aʼzosini oʻldirgan shaxslar umrining qolgan qismini toʻrt devor ichida oʻtkazadi.

TOSHKENT, 6 sen - Sputnik. Samarqandda bir oilaning 5 nafar aʼzosini oʻldirgan shaxslar ustidan sud hukmi oʻqildi.

“Daryo”ning xabar qilishicha, sud hukmiga koʻra, Gʻolib Tashanov Oʻzbekiston JKning  270-moddasi, 1-qismi va 273-moddasining 1-qismida nazarda tutilgan jinoyatlarni sodir etganlikda aybsiz deb topilib oqlandi va jinoyat ishining shu qismi tugatildi.

Gʻolib Tashanov, Jahongir Usmonov, Shamshiddin Esonboyev va Habibullo Nurmanovning aybidan Oʻzbekiston JKning 97-moddasi 2-qismining “o”  bandi hamda “p” bandidagi qasddan odam oʻldirish jinoyatining “uyushgan guruh aʼzolari tomonidan yoxud oʻsha guruh manfaatlarini koʻzlagan holda” sodir etishda ifodalangan malakalovchi belgisi chiqarildi.

Gʻolib Tashanov, Jahongir Usmonov, Shamshiddin Esonboye va Habibullo Nurmanovning jinoiy harakatlari JK 164-moddasi 4-qismining “v” bandidan, JKning 33-moddasi talablariga muvofiq, JK 164-moddasi 3-qismining “v”, “g” bandlariga, JK 267-moddasi 3-qismining “b” bandidan JK 267-moddasi 2-qismining “b” bandiga qayta kvalifikatsiya qilindi.

Sudning yakuniy xulosasiga koʻra, sudlanuvchilar tegishli moddalarda aybdor deb topildi va ularga Jinoyat kodeksining 59-moddasi tartibida, oʻtash uchun uzil-kesil umrbod ozodlikdan mahrum qilish jazosi tayinlandi. Tayinlangan jazo maxsus tartibli jazoni ijro etish koloniyasida oʻtattirish belgilandi.

Mazkur jinoiy ish boʻyicha sudga raislik qiluvchi tomonidan sudlanuvchilarga va boshqa tomonlarga hukm ustidan shikoyat qilish tartibi va muddati tushuntirildi.

Eslatib oʻtamiz, endiliklar mahkumlar deb ataluvchilar Samarqand viloyati Ishtixon tumani Chimqoʻrgʻon mahallasida yashovchi oilaning 5 nafar aʼzosi — er-xotin, ikki oʻgʻil va bir qizni vahshiylarcha oʻldirib, Qoʻshrabot tumani Boqi qishlogʻida Damas avtomashinasi ichiga tashlab ketgan. 

Samarqand viloyati hokimi Erkin Turdimov ushbu mudhish qotillik haqida gapirar ekan, "bu voqelik barchamiz uchun sharmandali holat, toʻrt nafar yosh yigitlarning pul ilinjida besh kishining qotiliga aylanishi tasavvur qilish qiyin boʻlgan holat", deya taʼkidlagan.

Asosiy mavzular