TOShKENT, 16 cyen – Sputnik. Toshkent viloyatida haydovchining rulda uxlab qolishi ikki piyodaning umriga zomin bo‘ldi.
IIV xabariga ko‘ra, 15-sentabr kuni andijonlik 24 yoshli R.R. fuqaro “Lacetti” rusumli avtomashinasini Toshkent viloyatining Ohangaron tumani Oybuloq mahallasi hududidan o‘tuvchi “Guliston-Bo‘ka-Angren-Qo‘qon-Andijon-O‘sh” yo‘lining 126-km.da boshqarib ketayotib, uxlab qolgan. Oqibatda esa yo‘l chetiga chiqib ketib piyodalar, Bo‘ka tumanida yashaganlar 36 yoshli O‘.A. va 34 yoshli Sh.N.larni urib yuborgan.
“Natijada O‘.A. jarohat olib voqea joyida vafot etgan. Sh.N. kasalxonaga yotqizilgan hamda ko‘rsatilgan tibbiy muolajalarga qaramay vafot etgan”, - deyiladi xabarda.
Holat yuzasidan jinoyat ishi qo‘zg‘atilib, tergov harakatlari olib borilmoqda.
