12:22 16 Dekabr 2019
Efir
  • RUB149.88
  • EUR10545.67
  • USD9537.55
Hodisalar
Havola olish
160502

Oʻzbekistonda shu yilning oʻtgan davr mobaynida koʻplab oʻta ogʻir va katta shov-shuvga sabab boʻlgan jinoyatlar.

TOSHKENT, 13 noya – Sputnik. 2019 yil oʻtgan davr mobaynida qator jiddiy jinoyatlar Oʻzbekiston aholisi eʼtibori markazida boʻldi, xorijiy va mahalliy OAVlarda yoritilib, jamoatchilik oʻrtasida muhokama qilindi.

Oʻzbekistonda jinoyat turlari IIV rasmiy axborotiga koʻra 26 foizga kamaygani eʼlon qilindi. Sputnik Oʻzbekiston respublikada sodir boʻlgan eng shov-shuvli jinoiy huquqbuzarliklar va mudhish hodisalarni eʼtiboringizga havola qiladi.

Samarqandda ona oʻz qizlarini pichoqlab oʻldirdi

Samarqand viloyatining Pastdargʻom tumanida sodir boʻlgan ayanchli qotillik koʻpchilikni esankiratib qoʻydi. 30 yoshni qoralagan N.Xoʻjaqulova (ism-shariflari oʻzgartirilgan) eri Rossiyaga ishlash uchun ketgan vaqtda, uning ukasi bilan ishqiy munosabat oʻrnatadi. Nasiba birinchi turmushidan tugʻilgan hali yetti yoshga toʻlmagan qizi Baxtigul sabab qaynukasi bilan janjallashib qolib, Baxtigulga 12 marotaba, 5 yoshga toʻlmagan qaynukasidan tugʻilgan Mahliyoga esa 5 marotaba pichoq urib, oʻldiradi.

Sud hukmi bilan Nasiba 13 yil, Nurali 17 yil muddatga ozodlikdan mahrum qilindi.

Sergelida er-xotin 5 yashar qizchani gumdon qildi

Joriy yil 4 noyabr kuni fuqaro A.V. huquqni muhofaza qiluvchi organga murojaat qilib, 5 yashar qizi D.K.ni Bektemir tumanida joylashgan “Compass” savdo majmuasida yoʻqotib qoʻyganligi haqida maʼlum qiladi.

Bir ozdan soʻng esa Toshkent shahar prokuraturasi qizchaning Sergeli tumanidagi ijara uyida oʻz onasi va onasining shaʼriy nikohdagi eri bilan yashab kelganligi, 25 oktyabr kechasi soat 03:00 lar atrofida spirtli ichimlik isteʼmol qilgan er-xotin tomonidan qizchaning avval doʻpposlanib, soʻng oʻldirilganligini maʼlum qildi. Qotil er-xotin jinoyatni yopish maqsadida shu kuni tongda qizcha jasadini Toshkent viloyati, Boʻstonliq tumanidagi ijaraga olingan dala hovliga olib borishadi. Ular marhuma goʻdakni avval oʻchoqda yoqib, yonmay qolgan qoldiqlarini qopga solib, Chirchiq daryosiga tashlab yuborishadi.

Ayni damda qasddan sodir etilgan mazkur qotillik boʻyicha A.V. hamda M.F. Jinoyat-protsessual kodeksining 221-moddasi tartibida ushlangan boʻlib, tergov harakatlari olib borilmoqda.

Oʻzbekiston sobiq bosh prokurori pora olishda ayblandi

2018 yilning yanvaridan joriy yil yoz oyiga qadar Oʻzbekiston bosh prokurori lavozimida ishlagan Otabek Murodov 20 iyun kuni oʻz lavozimidan ozod etildi.

21 iyun kuni Oʻzbekiston prezidenti Shavkat Mirziyoyev Senatning 20-yalpi majlisidagi chiqishida sobiq bosh prokurorni tanqid qilib, uning poraxoʻrlikda ayblanayotgani va unga nisbatan jinoiy ish ochilganligini maʼlum qildi.

Generalnыy prokuror Uzbekistana Otabek Murodov
© Sputnik / Ramiz Baxtiyarov

Bosh prokuratura matbuot xizmati Otabek Murodovning avvalgi sobiq bosh prokuror, DXXning sobiq rahbari Ixtiyor Abdullayev ishi doirasida tergov qilinayotganini maʼlum qilgan boʻlsa, prezident matbuot xizmati Murodovning ishdan olinishi Oʻzbekiston konstitutsiyasining 93 modda, 12-bandiga muvofiq ekanligini bildirdi.

Yunusobod tumani hokimi oʻrinbosari pora bilan ushlandi

Yunusobod tumani hokimining kapital qurilish, kommunal xoʻjalik, obodonlashtirish, sanoat va tadbirkorlik masalalari boʻyicha oʻrinbosari E.Zohidov taʼmagirlik yoʻli bilan pora olayotganda ushlangan.

U oʻzboshimchalik bilan qurilgan koʻchmas mulkka huquqni tan olish toʻgʻrisidagi hokim qarorini chiqarishda yordamlashishga vaʼda berib, 5 ming dollarni qoʻlga kiritayotganida tezkor tadbir davomida qoʻlga olingan. 2019 yil 11 oktyabr kuni Bosh prokuratura huzuridagi Departament tomonidan Erkin Zohidovga nisbatan Jinoyat kodeksining 210-moddasi 2-qismi “v” bandi (taʼmagirlik yoʻli bilan pora olish) boʻyicha jinoyat ishi qoʻzgʻatilgan.

DXX sobiq raisi 18 yilga qamaldi 

Davlat xavfsizlik xizmati sobiq raisi Ixtiyor Abdullayev bir qator jinoyatlarni sodir etganlikda aybli deb topilib, 18 yil muddatga ozodlikdan mahrum qilindi.

Ixtiyor Abdullayev jinoiy uyushma tashkil etib, mansab vakolatini suisteʼmol qilish, uyushgan guruh va jinoiy uyushma manfaatlarini koʻzlab, juda koʻp miqdorda pora olish, Oʻzbekiston Respublikasining manfaatlariga xilof ravishda bitimlar tuzish, tovlamchilik, oʻzlashtirish yoʻli bilan talon-toroj qilish, bojxona toʻgʻrisidagi qonun hujjatlarini buzish va shu kabi bir qator jinoyatlarni sodir etganlikda aybli deb topildi.

Zominda sodir etilgan yirik oʻgʻrilik

2019 yil 6 iyun kuni Jizzax viloyatining Zomin tumanida yashovchi 38 yoshli M.E. oʻz uyida sodir boʻlgan katta oʻgʻrilik yuzasidan IIBga murojaat qilgan.

Maʼlum boʻlishicha, 5 iyun kuni soat 20:00 dan 23.00 gacha boʻlgan vaqt oraligʻida 27 yoshli T.U jabrlanuvchining uyi deraza oynasini sindirib kirib, mehmonxonasidan 15 mln. soʻm miqdordagi pul, 650 AQSH dollari va 2 turdagi zargarlik buyumlarini oʻgʻirlab, voqea joyidan gʻoyib boʻlgan. Koʻrilgan tezkor choralar natijasida oʻgʻri qoʻlga olindi.

Asosiy mavzular